నాగార్జునతో ఛాన్స్‌ అంటే చిన్న విషయం కాదు. ఆ భామకు అనుకోకుండా అదిరిపోయే ఛాన్స్‌ దక్కింది. నాగ్‌ నటిస్తున్న తాజా చిత్రం 'రాజుగారి గది-2'లో నాగ్‌ సరసన ఛాన్స్‌ కొట్టేసిన ఆ బ్యూటీ పేరు సీరత్‌ కపూర్‌. బుల్లితెరపై యాంకర్‌గా తనదైన శైలిలో ఆకట్టుకున్న ఓంకార్‌ ఈ చిత్రానికి దర్శకత్వం వహించారు. 'రాజుగారి గది' సినిమాతో మంచి విజయాన్ని అందుకున్న ఓంకార్‌, ఈ సినిమా సీక్వెల్‌కి స్టార్‌ గ్లామర్‌ని అద్దాడు. స్టార్‌ హీరో నాగార్జున ఈ సినిమాలో ప్రధాన పాత్రలో నటిస్తున్నారు. భారీ స్థాయిలో ఈ సినిమా రూపుదిద్దుకుంటోంది. నాగార్జునతో కలిసి నటించే ఛాన్స్‌ రావడం పట్ల సీరత్‌ ఆనందం వ్యక్తం చేస్తోంది. సెట్స్‌లో నాగార్జునని చూసి ఆశ్చర్యపోయిందట. టాలీవుడ్‌ మన్మధుడితో కలిసి ఫొటో దిగి, ఆ ఫొటోని సోషల్‌ మీడియాలో అభిమానులతో పంచుకుంది. ఈ సినిమాతో మంచి విజయాన్ని అందుకుంటాననే విశ్వాసం వ్యక్తం చేసింది సీరత్‌ కపూర్‌. అయితే ఈ సినిమాలో సీరత్‌ కపూర్‌ సూపర్‌ గ్లామరస్‌గా కన్పించబోతోందని సమాచారమ్‌. 'చంద్రముఖి' సినిమాతో రజనీకాంత్‌ తరహాలో నాగార్జున ఇందులో ఓ విలక్షణమైన పాత్రలో కన్పిస్తాడు. అయితే నాగ్‌ది ఈ సినిమాలో అతిథి పాత్ర అనే ప్రచారం జరగుతోంది. దాన్ని నాగ్‌ ఖండించాడు. ఆయనదే ఈ సినిమాకి ప్రధాన పాత్ర అని చెప్పారు నాగార్జున.