'కృష్ణగాడి వీర ప్రేమగాధ' తర్వాత హను రాఘవపూడి, నాని కాంబినేషన్‌లోనే మరో సినిమా తెరకెక్కాల్సి ఉంది. అయితే కొన్ని కారణాలతో ఆ సినిమా ఆలస్యమయ్యింది. ఈలోగా హను రాఘవపూడి, నితిన్‌తో ఓ సినిమాకి కమిట్‌ అయ్యాడు. అదే 'లై'. మధ్యలో అఖిల్‌ సినిమా ఒకటి హను ప్లాన్‌ చేశాడుగానీ కుదరలేదు. అది కూడా త్వరలోనే ఫైనలైజ్‌ అయ్యే అవకాశముందట. లేటెస్ట్‌ ఖబర్‌ ఏమిటంటే హను రాఘవపూడి దర్శకత్వంలో నాని హీరోగా ఓ సినిమా త్వరలోనే పట్టాలెక్కనుందని సమాచారమ్‌. 'లై' సినిమా తర్వాత హను దర్శకత్వంలో రూపొందే సినిమా ఇదేనట. నాని ప్రస్తుతం 'నిన్నుకోరి' అనే సినిమా చేస్తున్నాడు. ఈ సినిమా షూటింగ్‌ చివరి దశలో ఉంది. దీంతోపాటుగా 'దిల్‌' రాజు నిర్మాణంలో నాని హీరోగా వేణు శ్రీరామ్‌ అనే కొత్త దర్శకుడు తెరకెక్కించే సినిమాలో నాని హీరోగా నటిస్తాడు. ఈ సినిమాకి 'ఎంసిఎ' అనే టైటిల్‌ అనుకుంటున్నారు. 'ఎంసిఎ' అంటే అర్థం 'మిడిల్‌ క్లాస్‌ అబ్బాయి' అని అట. ఈ సినిమా తర్వాతనే హను రాఘవపూడి దర్శకత్వంలో నాని హీరోగా నటించే సినిమా సెట్స్‌ మీదకు వెళుతుందట. ఈలోగా హను, అఖిల్‌తో చేసే సినిమాని పట్టాలెక్కిస్తాడేమో చూడాలిక. ఏదేమైనా 'కృష్ణగాడి వీర ప్రేమగాధ' తర్వాత నాని - హను కాంబినేషన్‌లో సినిమా అంటే ఆ సినిమాపై అంచనాలు బీభత్సంగానే ఉంటాయ్‌ అనడం అతిశయోక్తి కాబోదు.