నటనలో బహుముఖ ప్రజ్ఞాశాలి అయిన ప్రకాష్ రాజ్ ఈ మధ్యన సామాజిక సేవ పైన తన దృష్టి నిలిపాడు.
గత కొన్నేళ్ళుగా రైతు గా మారి వ్యవసాయం చేయడం అలాగే తెలంగాణ రాష్ట్రంలో ఒక గ్రామాన్ని దత్తత తీసుకోవడం లాంటివి చూస్తూనే ఉన్నాం.
ఇక ఇప్పుడు #SaveWildLife పేరుతో వన్యప్రాణుల సంరక్షణ కొరకు ఏర్పాటు చేసిన కార్యక్రమానికి ప్రకాష్ రాజ్ బ్రాండ్ అంబాసిడర్ గా నియమింపబడ్డాడు.
దేశంలో ఇప్పటికే చాలా ప్రాంతాల్లో వన్య ప్రాణుల సంరక్షణ కోసం జరుగుతున్న రకరకాల ఉద్యమాల్లో ఈ #SaveWildLife కూడా ఒకటి.
ఇప్పటికే రైతుగా జాతీయ స్థాయిలో అవార్డు పొందాలనే దృడ సంకల్పంతో ముందుకి వెళ్తున్న ప్రకాష్ రాజ్ కి ఇది కూడా తను ఆస్వాదించ దగ్గ ఛాలెంజ్ లా మారాలని ఆశిద్దాం.
