టాలీవుడ్‌లో బిజీయెస్ట్‌ హీరో నాని. ఏడాదికి రెండు మూడు సినిమాలతో అలరిస్తూ ఉంటాడు నాని. నానికి ఈ మధ్య పట్టిందల్లా బంగారమే అవుతోంది. నానితో సినిమా అంటే చక చకా అయిపోతుంది. అలాగే నిర్మాతలకు నాని సినిమా ఫుల్‌ పైసా వసూల్‌. తక్కువ బడ్జెట్‌తో సినిమా తెరకెక్కించి, లాభాల పంట పండించుకోవచ్చు అనే ఆలోచనతో ఉంటారు నిర్మాతలు. అందుకే నానీతో సినిమా అంటే ముందుకొస్తారు. తాజాగా నాని హీరోగా వచ్చిన 'నిన్ను కోరి' సినిమా కూడా లాభాల బాట పట్టింది. శివ నిర్వాణ దర్శకత్వంలో వచ్చిన ఈ సినిమాలో నానీకి జోడీగా నివేదా థామస్‌ నటించింది. ఇదిలా ఉండగా, నాని రెండు కొత్త సినిమాలను ఆల్రెడీ లైన్‌లో పెట్టిన సంగతి తెలిసిందే. 'ఎంసీఎ' టైటిల్‌తో తెరకెక్కుతోన్న నాని సినిమాకి యంగ్‌ డైరెక్టర్‌ వేణు శ్రీరామ్‌ దర్శకత్వం వహిస్తున్నారు. ఈ సినిమా టైటిల్‌ లోగోని లేటెస్టుగా చిత్ర యూనిట్‌ విడుదల చేసింది. ఈ సినిమాకి సక్సెస్‌ సినిమాల డైరెక్టర్‌ దిల్‌ రాజు దర్శకత్వం వహిస్తున్నారు. ఈ సినిమా ప్రస్తుతం చిత్రీకరణ జరుపుకుంటోంది. త్వరలోనే ప్రేక్షకుల మందుకు రానుంది ఈ సినిమా. మరో పక్క మేర్లపాక గాంధీ దర్శకత్వంలో నాని మరో సినిమా కూడా రూపొందుతోంది. ఈ సినిమాకి 'కృష్ణార్జున యుద్ధం' అనే టైటిల్‌ పెట్టారు. ఈ సినిమాలో నాని డబుల్‌ రోల్‌ చేస్తున్నట్లుగా సమాచారమ్‌. ఈ టైటిల్‌ తెలుగు ప్రేక్షకులకు సుపరిచతమే. అయితే నాని చేసే డబుల్‌ యాక్షన్‌ ఈ సినిమాకి హైలైట్‌ కానుందంటున్నారు. యాక్షన్‌ కామెడీ కథాంశంతో ఈ సినిమా తెరకెక్కనుంది. ఈ సినిమాకి హిట్‌ హాప్‌ తమిళ సంగీతం అందిస్తుండడం విశేషం.
