2017 డిశంబర్‌ 21న విడుదలైన నాని 'ఎంసీఏ' చిత్రం అమెరికాలో బాక్సాఫీస్‌ వసూళ్లు కొల్లగొడుతున్న సంగతి తెలిసిందే. ఈ సినిమా మిలియన్‌ డాలర్స్‌ క్లబ్‌లోకి చేరిందని యూఎస్‌ ట్రేడ్‌ పండితులు తెలిపారు. అన్నట్లు ఈ ఏడాది నాని మూడు సినిమాలతో ప్రేక్షకుల ముందుకు వచ్చాడు. 

ఈ మూడు సినిమాలతోనూ నాని అమెరికా వసూళ్లు రికార్డు స్థాయిలో సాదించాడు. ఈ మూడు సినిమాలూ ఏకంగా మిలియన్‌ డాలర్స్‌ క్లబ్‌లోకి చేరడం విశేషం. శ్రీరామ్‌ వేణు దర్శకత్వంలో తెరకెక్కిన 'ఎంసీఏ - మిడిల్‌ క్లాస్‌ అబ్బాయి' చిత్రంతో తాజాగా సరికొత్త రికార్డును క్రియేట్‌ చేశాడు నాని. తక్కువ టైంలోనే మిలియన్‌ డాలర్స్‌ క్లబ్‌లో చేరి వారెవ్వా అనిపించాడు. అలాగే నాని తర్వాత వచ్చిన అఖిల్‌ - 'హలో' సినిమా కూడా త్వరలోనే ఈ రికార్డును సాధించడానికి చేరువలో ఉంది. ఒక్క రోజు ముందుగా వచ్చి నాని ఈ రికార్డును సొంతం చేసుకున్నాడు. 

తన నేచురల్‌ యాక్టింగ్‌తో ఎన్నిసార్లు వచ్చినా నాని అస్సలు బోర్‌ కొట్టడు. ఆ అభిమానమే, ఒక్క ఏడాదిలో నానికి హ్యాట్రిక్‌ కట్టబెట్టంది. ఇది చిన్న విషయం కాదు. ప్రస్తుతం నాని 'కృష్ణార్జున యుద్దం' సినిమాతో బిజీగా ఉన్నాడు. ఈ సినిమాని ఈ కొత్త సంవత్సరంలో త్వరలోనే ప్రేక్షకుల ముందుకు తీసుకురానున్నారు. మేర్లపాక గాంధీ ఈ సినిమాకి దర్శకత్వం వహిస్తున్నారు. అనుపమా పరమేశ్వరన్‌, రుక్సా మీర్‌ హీరోయిన్లుగా నటిస్తున్నారు. 

హీరోగా నాని టాలెంట్‌ పక్కన పెడితే, సరికొత్త టాలెంట్‌తో నాని నిర్మాతగా రానున్నాడు ఈ కొత్త సంవత్సరంలో. నాని నిర్మాణ భాగస్వామ్యంలో 'అ' అనే సరికొత్త చిత్రం రాబోతోంది. ఈ సినిమాలో నాని ఓ చేప పాత్రకి వాయిస్‌ ఓవర్‌ ఇస్తున్న సంగతి తెలిసిందే. ఈ సినిమా క్యారెక్టర్స్‌ని పరిచయం చేస్తూ వస్తున్న పోస్టర్స్‌ సినిమాపై ఆశక్తిని పెంచుతున్నాయి.