నేచురల్‌ స్టార్‌ నాని 'జెర్సీ'తో ఇటీవల మంచి సక్సెస్‌ అందుకున్నాడు. వరుస సినిమాలతో జోరు మీదున్నాడు. ప్రస్తుతం నాని చేతిలో రెండు ప్రతిష్ఠాత్మక ప్రాజెక్టులున్నాయి. వాటిలో 'గ్యాంగ్‌లీడర్‌' డిఫరెంట్‌ మూవీ. విక్రమ్‌ కుమార్‌ దర్శకత్వంలో తెరకెక్కుతోంది ఈ సినిమా. మూడు డిఫరెంట్‌ గెటప్స్‌లో నాని కనిపిస్తాడనీ సమాచారమ్‌. పునర్జన్మల నేపథ్యంలో కథ ఉండబోతోందట.
దీంతో పాటు, నానికి గురువు అయిన ఇంద్రగంటి మోహన్‌ కృష్ణతో 'వి' అనే విలక్షణ ప్రాజెక్టు చేస్తున్నాడు. ఈ సినిమాలో నాని విలన్‌ అనే ప్రచారం కూడా ఉంది. నాని జోరు ఇంతటితో ఆగలేదు. తాజాగా మరో విలక్షణ దర్శకుడు చంద్రశేఖర్‌ ఏలేటిపై నాని కన్ను పడింది. సక్సెస్‌, ఫెయిల్యూర్స్‌తో సంబంధం లేకుండా, సెలెక్టివ్‌గా సినిమాలు చేస్తుంటారు చంద్రశేఖర్‌ ఏలేటి. అలా ఆయన నుండి 'ఐతే', 'సాహసం', ఒక్కడున్నాడు', 'మనమంతా' తదితర సినిమాలు వచ్చాయి. ఈయన ఈ మధ్య చాలా చాలా స్క్రిప్టులు సిద్ధం చేశారు. కానీ, ఏదీ పట్టాలెక్కేవరకూ ప్రయాణించలేదు. తాజాగా నానితో చంద్రశేఖర్‌ ఏలేటి ప్రాజెక్ట్‌ ఓకే అయినట్లు సమాచారమ్‌.
ఇదొక థ్రిల్లర్‌ మూవీ అనీ తెలుస్తోంది. ఈ మధ్య విలక్షణ పాత్రలకు విలక్షణ సినిమాలకే నాని గ్రీన్‌ సిగ్నల్‌ ఇస్తున్నాడు. సో చంద్రశేఖర్‌ ఏలేటి సినిమాని త్వరలోనే పట్టాలెక్కించేస్తాడనే టాక్‌ వినిపిస్తోంది. 'గ్యాంగ్‌లీడర్‌' సినిమా త్వరలోనే పూర్తి కానుందట. తర్వాత ఓ వైపు 'వి', మరోవైపు ఏలేటి సినిమాని సమాంతరంగా కంప్లీట్‌ చేయాలనే యోచలో ఉన్నాడనీ సమాచారమ్‌.
