కొత్త డైరెక్టర్‌ని ఎంకరేజ్‌ చేస్తున్న నాని.!

మరిన్ని వార్తలు

కొత్త కథల్నీ, కొత్త దర్శకుల్ని ప్రోత్సహించడంలో నేచురల్‌ స్టార్‌ నాని ముందుంటాడు. కథ నచ్చడంతోనే తానే నిర్మాతగా మారి 'అ' సినిమాని రూపొందించిన సంగతి తెలిసిందే. ఆ సినిమాతో యంగ్‌ డైరెక్టర్‌ ప్రశాంత్‌ వర్మ దర్శకుడిగా పరిచయమయ్యాడు. ఆ తర్వాత రాజశేఖర్‌ వంటి సీనియర్‌ స్టార్‌తో 'కల్కి' రూపొందించాడు. తమన్నాతో 'దటీజ్‌ మహాలక్ష్మి' సినిమా తెరకెక్కిస్తున్నాడు. ఇప్పుడు మరో కొత్త దర్శకుడు నాని దృష్టిలో పడ్డాడు. సుకుమార్‌ దగ్గర అసిస్టెంట్‌గా వర్క్‌ చేసిన శ్రీకాంత్‌, నానికి ఓ కథ వినిపించాడు. ఆ కథ నానికి చాలా బాగా నచ్చిందట. కానీ, ఇప్పుడు నాని చేతిలో రెండు సినిమాలున్నాయి.

 

ఇంద్రగంటి మోహన్‌ కృష్ణతో 'వి' చిత్రంలో నటిస్తున్నాడు నాని. తర్వాత శివ నిర్వాణ దర్శత్వంలో ఓ సినిమాలో నటించాల్సి ఉంది. ఈ రెండూ పూర్తి చేశాకే, కొత్త కథని పట్టాలెక్కించగలడు నాని. అయితే, 'వి' దాదాపు చివరి దశకు చేరుకుంది. సో త్వరలోనే శివ నిర్వాణ సినిమా పట్టాలెక్కుతుంది. ఏడాదిలో రెండు, మూడు సినిమాలు చేయగల సత్తా ఉంది నానికి. సో వచ్చే ఏడాదే ఈ కొత్త ప్రాజెక్ట్‌ సెట్స్‌ మీదికెళ్లినా ఆశ్చర్య పోనక్కర్లేదు. ఈ ఏడాది 'జెర్సీ', 'గ్యాంగ్‌లీడర్‌' సినిమాలతో హిట్‌ కొట్టిన నాని, వచ్చే ఏడాది కోసం ఆల్రెడీ మూడు సినిమాలు లైన్‌లో పెట్టేశాడన్న మాట.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS