టాలీవుడ్ లో కొత్త ట్రెండ్ మొదలైయింది. ఓ మోస్తారు సినిమా కూడా పాన్ ఇండియా అనే పబ్లిసిటీ పర్వానికి తెర తీసింది. తెలుగులో తీసి నాలుగు భాషల్లో విడుదల చేసిన పాన్ ఇండియా అంటున్నారు. ఇలా చాలా సినిమాలు సెట్స్ పై వున్నాయి. ఐతే ఈ ట్రెండ్ పై హీరో నాని స్పందించారు.
''నా ఉద్దేశంలో మన సినిమాని మనం పాన్ ఇండియా అనుకుంటే కాదు.. ప్రేక్షకులు అంటేనే పాన్ ఇండియా. కంటెంట్ బలంగా వుండాలి. పుష్ప సినిమా తీసుకుందాం.. ఆంద్ర అడవుల్లో జరిగిన కథ. నార్త్ తో ఆ కథకి సంబంధం లేదు. కానీ దేశం మొత్తం పుష్పని ఆదరించారు. పాన్ ఇండియా స్టేటస్ ఇచ్చారు. ముందు కంటెంట్ పై ద్రుష్టి పెట్టాలి తప్పితే .. మనకి మనమే పోస్టర్ పై పాన్ ఇండియా అని రాసుకోవడం సరికాదని నా ఉద్దేశం.'' చాలా స్పష్టంగా తన అభిప్రాయం చెప్పారు నాని.
