ఇటీవ‌ల `ట‌క్ జ‌గదీష్`గా ప్రేక్ష‌కుల ముందుకు వ‌చ్చాడు నాని. ఆ సినిమా ఘోరంగా దెబ్బ‌తింది. కుటుంబ ప్రేక్ష‌కుల్ని అల‌రించాల‌న్న నాని ప్ర‌య‌త్నం నెర‌వేర‌లేదు. ప్ర‌స్తుతం నాని చేతిలో రెండు సినిమాలున్నాయి. అంటే సుంద‌రానికి, శ్యామ్ సింగ‌రాయ్ చిత్రీక‌ర‌ణ ద‌శ‌లో ఉన్నాయి. వీటిలో శ్యామ్ సింగ‌రాయ్ ముందుగా విడుద‌ల అవుతుంది. మ‌రోవైపు ఓ కొత్త సినిమా కూడా ఒప్పుకున్నాడు. సుకుమార్ శిష్యుడు శ్రీ‌కాంత్ అనే అబ్బాయితో నాని ఓ సినిమా చేయ‌బోతున్నాడు.

త్వ‌ర‌లోనే ఈ సినిమా ప‌ట్టాలెక్క‌బోతోంది. ఈ చిత్రానికి `ద‌స‌రా` అనే టైటిల్ ఖ‌రారు చేసిన‌ట్టు టాక్‌. టైటిల్ చూస్తే... మ‌రో క్లీన్ ఎంట‌ర్‌టైన‌ర్ రాబోతోంద‌న్న హింట్ వ‌చ్చేసింది. ఈ ద‌స‌రాకి ఈ సినిమా షూటింగ్ లాంఛ‌నంగా ప్రారంభించే అవ‌కాశాలున్నాయి. 2022 వేస‌వికి విడుద‌ల అయ్యేలా ద‌ర్శక నిర్మాత‌లు ప్ర‌ణాళిక‌లు వేస్తున్నారు. క‌థానాయిక ఇత‌ర సాంకేతిక నిపుణుల ఎంపిక జ‌రుగుతోంది. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.