సుమారు రూ 150 కోట్లకు పైగా బడ్జెట్ తో రూపొందుతున్న ప్రభాస్ ‘సాహూ’ చిత్రం ఇప్పుడు దేశం దృష్టిని ఆకర్షిస్తున్నది. బాహుబలి చిత్రంతో తన స్క్రీన్ ఇమేజ్ ని ఆకాశం అంత ఎత్తుకి పెంచుకున్న ప్రభాస్ ఇప్పుడు ఆ ఇమేజ్ ని సుస్థిరం చేసుకునే క్రమంలో ఉన్నాడు.

ఇక ఈ సాహూ చిత్రాన్ని దేశమంతటా మార్కెట్ చేయాలంటే ఈ చిత్రంలో హిందీ నటులు కూడా అవసరం అన్న దృష్టిలో హీరోయిన్ శ్రద్ధా కపూర్ ని తీసుకోగా మరికొన్ని ముఖ్యపాత్రల్లో హిందీ నటులని కూడా తీసుకున్నారు. ఇక ఇదే వరుసలో ఈ చిత్రంలో ప్రతినాయకుని పాత్రకు ప్రముఖ హిందీ నటుడు నసీరుద్దిన్ షా ని ఎంపిక చేసినట్టు సమాచారం.

అయితే దీనికి సంబంధించి ఆయనతో చర్చలు నడుస్తున్నట్టు, అన్ని కుదిరితే ఈ లెజెండరీ యాక్టర్ సాహూ లో ప్రతినాయకుడిగా మనకి కనపడనున్నాడు.

మొత్తానికి సాహూ చిత్రానికి కావలసినంత బాలీవుడ్ టచ్ దొరుకుతున్నది. ఇదంతా ‘బాహుబలి’ వల్ల జరుగుతున్నది అన్నది నిర్వివాదాంశం.