గ్లామర్‌కి ముద్దుగుమ్మ నిధి అగర్వాల్‌ పెట్టింది పేరు. తెలుగులో చేసిన రెండు సినిమాలతోనూ జస్ట్‌ గ్లామర్‌ డాళ్‌ మాత్రమే అనిపించుకున్న నిధి అగర్వాల్‌ తాజాగా 'ఇస్మార్ట్‌ శంకర్‌' సినిమాతో సూపర్‌ హిట్‌ని తన ఖాతాలో వేసేసుకుంది. రామ్‌ - పూరీ రూపంలో నిధిని హిట్టు వరించింది. ఇంకేముంది అమ్మడి దశ తిరిగినట్లే. తొలి సినిమాకే అమ్మడిలో విషయముంది. స్టార్‌ హీరోయిన్‌ అవదగ్గ కళ ఉంది అనుకున్నారంతా. కానీ, తొలి రెండు సినిమాలతో ఆ ఛాన్స్‌ దక్కించుకోలేకపోయింది. కానీ, మూడో సినిమా 'ఇస్మార్ట్‌ శంకర్‌'తో ఇస్మార్ట్‌ హిట్‌ కొట్టేసింది.
ఈ స్మార్ట్‌ హిట్‌కి నిధి అగర్వాల్‌ ఇస్మార్ట్‌ అందాల ఆరబోత కూడా ఓ కారణంగా చెప్పుకోకుండా ఉండలేం. ఎట్టకేలకు టాలీవుడ్‌లో హిట్‌ దక్కించుకున్న నిధి అగర్వాల్‌కి ఇకపై క్రేజ్‌ ఇంకా పెరిగిపోవడం ఖాయం. సోషల్‌మీడియాలో ఎప్పటికప్పుడే యాక్టివ్‌గా గ్లామర్‌ పిక్స్‌ పోస్ట్‌ చేసే నిధి అగర్వాల్‌కి నెట్టింట్లో మస్త్‌ ఫాలోవర్స్‌ ఉన్న మాట వాస్తవమే. ఇస్మార్ట్‌ శంకర్‌ పుణ్యమా అని, ఆ ఫాలోయింగ్‌ కాస్తా, పీక్స్‌కి చేరిపోయింది. సోషల్‌మీడియాలో నిధి ఇలా ఫోటో పోస్ట్‌ చేస్తే చాలు, క్షణాల్లో ఆ ఫోటో వైరల్‌ అయిపోయి కూర్చుంటోంది. అలా ఈ తాజా పిక్‌ కూడా వైరల్‌ అయ్యింది. మేఘాల కలర్‌లో శారీకీ, హాఫ్‌ శారీకీ మధ్యస్థంగా ఉన్న మోడ్రన్‌ వేర్‌లో నిధి అగర్వాల్‌ అందాలు కొంచెం కొత్తగా కుర్రకారును కట్టిపడేస్తున్నాయి.
