మెగా ప్రిన్సెస్‌ నిహారిక 'ఒక మనసు' సినిమాతో హీరోయిన్‌గా గ్రాండ్‌ ఎంట్రీ ఇచ్చింది. భారీ అంచనాల నడుమ వచ్చిన ఈ సినిమా అంచనాలను అందుకోలేకపోయింది. దాంతో నిహారక కొంచెం స్లో అయ్యింది. తాజాగా ఈ ముద్దుగుమ్మ కోలీవుడ్‌కి ఎంట్రీ ఇవ్వబోతోందని తెలుస్తోంది. ఈ విషయాన్ని ఆమె స్వయంగా తన ఫేస్‌బుక్‌ అకౌంట్‌ ద్వారా తెలియజేసింది. తెలుగులో వరుసగా సినిమాలు చేయాలనుకుంది. కానీ కుదరలేదు. తొలి సినిమా నిరాశ పరిచినా, నటిగా మంచి గుర్తింపే తెచ్చిపెట్టింది నిహారికకి. మెగా ఫ్యామిలీ నుండి వచ్చిన తొలి హీరోయిన్‌ ఈ ముద్దుగుమ్మ. ఇంతవరకూ మెగా ఫ్యామిలీ నుండి హీరోలే తమ హవా చూపిస్తున్నారు. మొట్ట మొదటి హీరోయిన్‌గా వచ్చిన నిహారిక తనదైన స్టైల్‌లో హీరోయిన్‌గా మంచి గుర్తింపే తెచ్చుకుంది. అయితే తన ఉనికిని నిలబెట్టుకోవాలంటే మరికొంత టైం పట్టేలానే ఉంది. ఈలోగా తన టాలెంట్‌కి తమిళంలో పని చెప్పాలనుకుంటోంది. విజయ్‌ సేతుపతి హీరోగా తెరకెక్కుతోన్న ఓ సినిమాలో నిహారిక హీరోయిన్‌గా ఎంపికైంది. కొత్త దర్శకుడు అరుమురుగన్‌ దర్శకత్వంలో ఈ సినిమా తెరకెక్కుతోంది. సీనియర్‌ హీరో కార్తీక్‌ తనయుడు గౌతమ్‌ ఈ సినిమాలో ప్రధాన పాత్రలో కనిపిస్తున్నాడు. మంచి అవకాశాలొస్తే అటు తెలుగులోనూ, ఇటు తమిళంలోనూ కూడా సినిమాలు చేస్తూ రెండు వైపులా ఈక్వెల్‌గా బ్యాలెన్స్‌ చేస్తానంటోంది మెగా ముద్దుగుమ్మ నిహారిక.