అలనాటి మేటి నటులు ఇప్పుడు చాలా యాక్టివ్‌గా సెకండ్‌ ఇన్నింగ్స్‌ మొదలెట్టేస్తున్నారు. ఆమని, ఇంద్రజ తదితర హీరోయిన్లతో పాటు అతిలోక సుందరి శ్రీదేవి కూడా సెకండ్‌ ఇన్నింగ్స్‌ స్టార్ట్‌ చేసిన సంగతి తెలిసిందే. ఆ దారిలోనే అలనాటి ముద్దుగుమ్మ రాధిక చెల్లెలు నిరోషా కూడా సెకండ్‌ ఇన్నింగ్స్‌ స్టార్ట్‌ చేయనుంది. నిరోషా రీ ఎంట్రీ ఇవ్వనుందని చాలా కాలంగా ప్రచారం జరుగుతోంది. ఇప్పుడు కన్‌ఫామ్‌ అయ్యింది. 'లైఫ్‌ ఈజ్‌ బ్యూటీఫుల్‌' ఫేం సుధాకర్‌ హీరోగా తెరకెక్కుతోన్న 'నువ్వు తోపురా' సినిమా కోసం నిరోషా తిరిగి మేకప్‌ వేసుకోనుంది. ఈ సినిమా కథ, కథలోని ఆమె పాత్ర నచ్చడంతో నిరోషా ఈ సినిమాలో నటించేందుకు ఒప్పుకుందట. త్వరలోనే ఈ సినిమా ప్రేక్షకుల ముందుకు రానుంది. తాజాగా ఈ సినిమాలోని నిరోషా ఫస్ట్‌లుక్‌ బయటికి వచ్చింది. హీరోకి తల్లి పాత్రలో నటించనుంది నిరోషా. హరినాథ్‌బాబు దర్శకత్వంలో తెరకెక్కుతోన్న ఈ సినిమాలో నిత్యాశెట్టి హీరోయిన్‌గా నటిస్తోంది. చాలా గ్యాప్‌ తర్వాత నిరోషా సినిమాల్లో రీ ఎంట్రీ ఇచ్చింది. మంచి పాత్రలు వస్తే సినిమాల్లో నటించడానికి సిద్ధమేనని ఆమె తెలిపింది. అయితే వరుస పెట్టి సినిమాల్లో నటించేయాలని ఆతృత ఏమీ లేదనీ, సెలక్టివ్‌గా మంచి క్యారెక్టర్స్‌లోనే నటిస్తానని నిరోషా చెప్పడం విశేషం.