'బిగ్‌బాస్‌'లోకి యంగ్‌ హీరో తనీష్‌ హీరోయిన్‌ నీతి టేలర్‌ ఎంట్రీ ఇస్తోందట. అయితే ఇది యంగ్‌ టైగర్‌ ఎన్టీఆర్‌ హోస్ట్‌గా వ్యవహరిస్తోన్న 'బిగ్‌బాస్‌' షో కాదండోయ్‌. బాలీవుడ్‌ 'బిగ్‌బాస్‌'. సల్మాన్‌ఖాన్‌ హోస్ట్‌గా వ్యవహరిస్తోన్న బిగ్‌బాస్‌ 11వ సీజన్‌ త్వరలో స్టార్ట్‌ కానుంది. ఈ షోలో ఇప్పటికే పలువురు సెలబ్రిటీస్‌ హౌస్‌ మేట్స్‌ లిస్టులో పరిశీలనలో ఉన్నారు. మరికొంత మంది కంటెస్టెంట్స్‌ని ఎంపిక చేసే పనిలో బిజీగా ఉంది 'బిగ్‌బాస్‌' టీమ్‌. తాజాగా తెలుగులో తనీష్‌తో జత కట్టిన బ్యూటీ నీతి టేలర్‌ ఈ లిస్టులో చేరిందట. ఈ ముద్దుగుమ్మ 'మేం వయసుకు వచ్చాం' సినిమాలో తనీష్‌కి జంటగా నటించింది. ఆ రకంగా తెలుగు ప్రేక్షకులకు ఈ ముద్దుగుమ్మ సుపరిచితురాలే. ఈమెతో పాటు నికితిన్‌ ధీర్‌ కూడా ఈ లిస్టులో ఉన్నాడట. 'చెన్నై ఎక్స్‌ప్రెస్‌', దబాంగ్‌ 2', జోధా అక్బర్‌' తదితర చిత్రాల్లో నటించాడు నికితిన్‌ ధీర్‌. అంతేకాదు తెలుగులో మెగా ప్రిన్స్‌ హీరోగా తెరకెక్కిన 'కంచె' మూవీలో విలన్‌గా నటించాడు. లేటెస్టుగా ఈ సీజన్‌ బిగ్‌బాస్‌ హౌస్‌మేట్స్‌ లిస్టులో నికితిన్‌ కూడా చేరాడనీ సమాచారమ్‌. వీరితో పాటు బ్యూటీస్‌ హర్షీ ఖాన్‌, నియా శర్మ తదితరులు పార్టిసిపెంట్స్‌గా ఉన్నారనీ తెలియ వస్తోంది.
