హీరోలకి కమర్షియల్ ఇమేజ్ ఇవ్వడంలో సిద్ధహస్తుడు అనే ట్యాగ్ ని సొంతం చేసుకున్న డైనమిక్ డైరెక్టర్ పూరి జగన్నాధ్ ఇప్పుడు తన కొడుకికి ఆ ఇమేజ్ ఇచ్చే పనిలో ఉన్నాడు.
ఇంకొక రెండు నెలల్లో తన కొడుకు పూరి ఆకాష్ ని హీరోగా పరిచయం చేస్తూ పూరి జగన్నాధ్ ఒక చిత్రాన్ని తీయనున్నాడు. దీనికి నిర్మాతగా కూడా ఆయనే వ్యవహరిస్తుండడం విశేషం.
ఇక పూరి జగన్నాధ్ ఈ చిత్రం కోసం ఇండో-పాక్ నేపధ్యంతో కూడిన కథను ఎంపిక చేసుకున్నాడట! ప్రస్తుతం ప్రీ-ప్రొడక్షన్ లో ఉన్న ఈ చిత్రం ఈ ఏడాది చివరిలో సెట్స్ పైకి వెళ్ళనున్నట్టు తెలుస్తున్నది.
త్వరలోనే ఈ చిత్రానికి సంబందించిన మరికొన్ని విషయాలు తెలిసే అవకాశం ఉన్నట్టు సమాచారం. అయితే చాలా కాలం తరువాత సందీప్ చౌతా ఈ చిత్రం ద్వారా తెలుగు సినిమాకి సంగీతం అందివనున్నాడు.
