'ఫస్ట్‌లుక్‌ సోమవారమ్‌..' అంటూ వారానికో రీజన్‌ చెబుతూ సాగే ఈ పాట ఇప్పుడు అందర్నీ ఆకట్టుకుంటోంది. తమన్‌ సంగీతంలో రూపొందిన ఈ పాట యంగ్‌ హీరో నితిన్‌ తాజా చిత్రం 'ఛలో మోహన్‌రంగా' చిత్రంలోనిది. పవన్‌ కళ్యాణ్‌ క్రియేటివ్‌ వర్క్స్‌ బ్యానర్‌లో ఈ సినిమా రూపొందుతోన్న సంగతి తెలిసిందే. త్రివిక్రమ్‌ కథనందించిన ఈ సినిమాకి కృష్ణ చైతన్య దర్శకత్వం వహించారు. 

మేఘా ఆకాష్‌ ఈ సినిమాలో నితిన్‌తో రెండో సారి జోడీ కడుతోంది. కాగా 'లై' సినిమాతో కొత్త గెటప్‌లో కనిపించి మెప్పించాడు నితిన్‌. కానీ ఆ చిత్రం ఆశించిన విజయాన్ని అందుకోలేదు. ఈ సినిమా కోసం ఎలాంటి ప్రయోగాలు చేయలేదట. 'అ,ఆ..' సినిమాలో నేచురల్‌ గెటప్‌లో కనిపించి, మంచి విజయం అందుకున్నాడు. అలాగే ఈ సినిమాలో కూడా నితిన్‌ తన ఒరిజినల్‌ లుక్‌లోనే కనిపించనున్నాడు. అలాగే సినిమా కథ కూడా త్రివిక్రమ్‌ మార్క్‌ ఎంటర్‌టైన్‌మెంట్‌తో, హాయిగా, సరదాగా ఫ్యామిలీ ఆడియన్స్‌ అంతా కలిసి కూర్చొని చూడదగ్గ చిత్రంగా ఉండబోతోందట. 

సమ్మర్‌లోనే ఈ చిత్రం ప్రేక్షకుల ముందుకు రానుంది. సినిమాలో హీరో, హీరోయిన్‌కీ మధ్య కెమిస్ట్రీ చాలా బాగుంటుందట. 'లై' సినిమాలోనూ వీరిద్దరి మధ్యా కెమిస్ట్రీ బాగానే వర్కవుట్‌ అయ్యింది. కానీ ఈ సినిమాలో అంతకు మించిన స్థాయిలో నితిన్‌, మేఘా మధ్య కెమిస్ట్రీ ఉండబోతోందట. 'లై'లో ట్రెండీ లుక్‌లో కనిపించిన మేఘా, ఈ సినిమాలో కొంచెం ట్రెడిషనల్‌గా కనిపించబోతోందనీ సమాచారమ్‌. 

'అ,ఆ..'తో సంచలన విజయం అందుకున్న నితిన్‌ 'లై'తో డీలా పడ్డాడు. అదే టైంలో మళ్లీ త్రివిక్రమ్‌ హ్యాండ్‌ అందించిన ఈ 'ఛల్‌ మోహన్‌రంగా' సినిమాతో మరోసారి 'అ,ఆ' లాంటి విజయాన్నే అందుకుంటాడనీ ఆశిద్దాం.