నితిన్‌ హీరోగా తెరకెక్కుతోన్న సినిమా టైటిల్‌ 'లై' అన్న సంగతి తెలిసిందే. ఆగష్టు 11న ఈ సినిమా విడుదల కానుంది. ఈ సందర్భంగా చిత్ర యూనిట్‌ పబ్లిసిటీ షురూ చేస్తారు ఇది మామూలే. అయితే ఈ సినిమాకి సరికొత్తగా పబ్లిసిటీ యాడ్‌ అవుతోంది. అది కూడా చిత్ర యూనిట్‌కి సంబంధించింది కాదు. ఫ్రీ పబ్లిసిటీ. ఏదైనా విషయాన్ని చెప్పాలంటే డైరెక్ట్‌గా కాకుండా, ఇన్‌డైరెక్ట్‌గా ఆ విషయాన్ని గురించి ప్రస్థావిస్తున్నారు. తర్వాత ఇది 'లై' ఎందుకంటే ఫలానా రీజన్‌ అంటూ వివరణ ఇస్తున్నారు. ఈ రకంగా సినిమా విషయాలే కాదు, ఇతరత్రా విషయాల్లో కూడా ఈ 'లై' అనే మాట ట్రెండింగ్‌ అయిపోయిందిప్పుడు. ఇంతకన్నా ఫ్రీ పబ్లిసిటీ ఇంకేముంటుంది చెప్పండి. ఇకపోతే మన సినిమా 'లై'కి సంబంధించి టీజర్‌తోనే 'లై' యొక్క ప్రాధాన్యతని చెప్పకనే చెప్పేశారు. ఈ మధ్య కాలంలో వచ్చిన అత్యద్భుతమైన టీజర్‌గా ఈ సినిమా టీజర్‌ పాపులర్‌ అవుతోంది. నితిన్‌ సరసన కొత్త భామ మేఘా ఆకాష్‌ హీరోయిన్‌గా నటిస్తోంది. 'కృష్ణగాడి వీరప్రేమగాధ' ఫేం హను రాఘవపూడి ఈ సినిమాని తెరకెక్కిస్తున్నారు. సీనియర్‌ హీరో అర్జున్‌ కీలక పాత్రలో నటిస్తున్నాడు. మన హీరో నితిన్‌ ఈ సినిమాలో సరికొత్త లుక్‌లో కనిపిస్తున్నాడు. లుక్కేంటి, స్టైల్‌లో అయితే ఆయన దేవుడు పవన్‌ కళ్యాణ్‌ని సరిగ్గా అలాగే దించేశాడంతే. 'అ,ఆ..'తో సక్సెస్‌ అందుకున్న నితిన్‌కి ఈ సినిమా ఖచ్చితంగా హిట్‌ అందిస్తుందని చిత్ర యూనిట్‌, నమ్మకంగా ఉంది. మరో పక్క పవన్‌ నిర్మాణంలో నితిన్‌ చేస్తున్న సినిమా సెట్స్‌ మీదికెళ్లేందుకు రెడీగా ఉంది.