నితిన్ క‌థానాయ‌కుడిగా న‌టిస్తున్న చిత్రం `రంగ్ దే`. కీర్తి సురేష్ క‌థానాయిక. వెంకీ అట్లూరి ద‌ర్శ‌క‌త్వం వ‌హిస్తున్నారు. ఇటీవ‌లే నితిన్ పెళ్ల‌య్యింది. ఆ పెళ్లి ప‌నుల్లో నితిన్ బిజీగా ఉన్నా, ఈ సినిమా కోసం డబ్బింగ్ చెప్పాల్సివ‌చ్చింది. `నాన్నా.. న‌వ్వుతోంది నేను క‌ట్ట‌లేను నాన్నా` అనే డైలాగ్ ని టీజ‌ర్ కోసం క‌ట్ చేశారు. ఆ డైలాగ్... నితిన్ పెళ్లి ప‌నుల్లో ఉండ‌గా య‌మ అర్జెంటుగా చెప్పించారు.
``పెళ్లి ప‌నుల్లో ఉన్నా వ‌ద‌ల‌కుండా.. న‌న్ను టార్చ‌ర్ పెట్టి, డబ్బింగ్ చెప్పించారు. ఇదంతా అభిమానుల కోస‌మే. మా టీమ్ నుంచి ఓ చిన్న గిఫ్ట్ వ‌స్తుంది.. టీజ‌ర్ రూపంలో`` అని చెప్పుకొచ్చాడు నితిన్. పెళ్లి ప‌నుల్లో ఉన్నా- క‌మిట్ మెంట్ చూపించిన నితిన్ కి హ్యాట్సాఫ్ చెప్పాడు ద‌ర్శ‌కుడు వెంకీ అట్లూరి. త్వ‌ర‌లోనే ఈ సినిమా ప్రేక్ష‌కుల ముందుకు రానుంది.
