నితిన్ కూడా ప‌వ‌న్ క‌ల్యాణ్ ఫ్యానే. ఆ మాట‌కొస్తే భ‌క్తుడు. అలాంటిది ప‌వ‌న్ ఫ్యాన్స్ నితిన్‌కి వార్నింగ్ ఎందుకిచ్చారు?  అనుకుంటున్నారా?

నితిన్ త‌న ప్ర‌తి సినిమాలోనూ ప‌వ‌న్ క‌ల్యాణ్‌ని ఇమిటేట్ చేస్తూనో, లేదంటే ప‌వ‌న్ పాత డైలాగుల్ని, సినిమాల్నీ రిఫ‌రెన్స్ తీసుకుంటూనో ప‌వ‌న్ ఫ్యాన్స్ మెప్పు పొందాల‌ని చూస్తుంటాడు. తాజాగా విడుద‌లైన 'ఛ‌ల్ మోహ‌న్ రంగ‌'లోనూ ప‌వ‌న్ క‌ల్యాణ్ రిఫ‌రెన్సులు చాలా క‌నిపిస్తాయి. ఖుషి నుంచి.. అజ్ఞాత‌వాసి వ‌ర‌కూ ప‌వ‌న్ ఫ్యాన్స్ చ‌టుక్కున గుర్తు ప‌ట్టేలా కొన్ని రిఫ‌రెన్సులు వాడుకున్నాడు.

ప‌వ‌న్ ఈ సినిమాకి క్లాప్ కొట్టిన షాట్ కూడా... ఫ‌స్ట్ సీన్‌లోనే చూపించేశాడు. అలా.. ప‌వ‌న్ ఫ్యాన్స్ కోసం కాస్త తాప‌త్ర‌య‌ప‌డ్డాడు. అయితే ప్ర‌తీ సినిమాలోనూ ప‌వ‌న్‌కి సంబంధించిన రిఫ‌రెన్సులు తీసుకోవ‌డం బాగోలేద‌ని ప‌వ‌న్ అభిమానుల అభిప్రాయం.

'నితిన్.. నీకంటూ ఓ ఇమేజ్ ఉంది. దాన్ని వ‌దిలేసి ప‌వ‌న్ క‌ల్యాణ్ రిఫ‌రెన్సులు ఎందుకు? ఇలాగైతే నిన్ను చూడ‌డం క‌ష్టం' అంటూ కెమెరా సాక్షిగా కొంత‌మంది ప‌వ‌న్ క‌ల్యాణ్ అభిమానులు నితిన్‌కి స‌ల‌హా లాంటి వార్నింగ్ ఇచ్చారు. మ‌రి ఇది నితిన్ దృష్టికి వెళ్తుందో, లేదో?