రానా - వేణు ఉడుగుల కాంబోలో రూపొందుతున్న చిత్రం.. విరాట‌ప‌ర్వం. సాయిప‌ల్ల‌వి హీరోయిన్ గా న‌టిస్తోంది. ప్రియమ‌ణి, నందితాదాస్, న‌వీన్ చంద్ర ఇత‌ర కీల‌క‌పాత్ర‌లు పోషిస్తున్నారు. ఇటీవ‌లే షూటింగ్ పునః ప్రారంభమైంది. ఈ చిత్రంలో ఓ కీల‌క‌మైన పాత్ర‌లో నివేదా థామస్ క‌నిపిసంచ‌నుంద‌ని ప్ర‌చారం మొద‌లైంది. అయితే... ఈ సినిమాలో మ‌రో నివేదా ఎంట్రీ ఇచ్చింది. ఆమె నివేదా థామస్ కాదు. నివేదా పేతురాజ్‌.
అల వైకుంఠ‌పుర‌ములో ఓ చిన్న పాత్ర‌లో క‌నిపించింది నివేదా. క‌థానాయిక‌గా చేస్తూనే కీల‌క‌మైన పాత్ర‌లోస్తే ఒప్పుకుంటోంది. అందులో భాగంగానే విరాట‌ప‌ర్వం సినిమా కోసం సంత‌కం చేసింద‌ట. ప్ర‌స్తుతం హైదరాబాద్ షెడ్యూల్ జ‌రుపుకుంటోన్న ఈ చిత్రం షూటింగ్ త్వ‌ర‌లోనే ముగియ‌నున్న‌ట్టు స‌మాచారం. మొత్తానికి విరాట‌ప‌ర్వంతో తార‌లంతా క‌లిసి ప్రేక్ష‌కుల మంచి సినిమా అందించేందుకు రెడీ అవుతున్నార‌న్న‌మాట.
