'జెంటిల్‌మెన్‌' సినిమాతో ఎంట్రీ ఇచ్చిన మలయాళీ భామ నివేదా థామస్‌. తొలి సినిమాకే గోల్డెన్‌ హిట్‌ కొట్టేసింది. యాక్టింగ్‌ టాలెంట్‌లో షార్ట్‌ బ్యూటీ నిత్యామీనన్‌ని తలపించింది. ఈ ముద్దుగుమ్మ తాజాగా 'జై లవకుశ' సినిమాలో నటిస్తున్న సంగతి తెలిసిందే. నానితోనే బ్యాక్‌ టు బ్యాక్‌ రెండు సినిమాలు చేసేసింది. ఇటీవలే విడుదలైన 'నిన్ను కోరి' సినిమాలోనూ తన సత్తా చాటి, మరో హిట్‌ని తన ఖాతాలో వేసుకుంది. ఇప్పుడు ఎన్టీఆర్‌ సినిమా 'జై లవకుశ'లో నివేదా స్పెషల్‌ అట్రాక్షన్‌ కానుంది. ఈ ముద్దుగుమ్మ యాక్టింగ్‌ సంగతి ఎలాగూ తెలుసు. అయితే ఇంతవరకూ నివేదా గ్లామర్‌ పాత్రలకి కొంచెం దూరంగానే ఉంది. పర్‌ఫామెన్స్‌ రోల్స్‌కే ఎక్కువ ప్రాధాన్యత ఇచ్చింది. అంతేకాదు, గ్లామర్‌కి తాను కొంచెం దూరమే అని కూడా చెప్పుకొచ్చింది. అయితే ఇప్పుడు మాట మార్చేసింది నివేదా. 'జై లవకుశ' పోస్టర్స్‌లో గ్లామరస్‌గా కనిపిస్తోంది. నివేదా ఈ సినిమాలో సరికొత్తగా కనిపించనుందట. పర్‌ఫామెన్స్‌కి తోడు గ్లామర్‌ టచ్‌ కూడా ఇవ్వనుందని తెలియవస్తోంది. యంగ్‌ టైగర్‌ ఎన్టీఆర్‌తో నివేదా కలిసి ఉన్న రొమాంటిక్‌ స్టిల్స్‌ బయటికి వచ్చాయి. ఆ స్టిల్స్‌లో నివేదా థామస్‌ చాలా హాట్‌గా కనిపిస్తోంది. ఇకపోతే ఈ సినిమాలో మరో హీరోయిన్‌ రాశీఖన్నా ఎలాగూ గ్లామరస్‌ బ్యూటీనే. సో పర్‌ఫామెన్స్‌తో పాటు 'జై లవకుశ'కి సరికొత్త గ్లామర్‌ కూడా యాడ్‌ అయినట్లే. బాబీ దర్శకత్వంలో తెరకెక్కుతోన్న ఈ సినిమాకి కళ్యాణ్‌రామ్‌ నిర్మాత. ఎన్టీఆర్‌ ట్రిపుల్‌ రోల్‌లో నటిస్తున్నాడు.