విజయ్ దేవరకొండ- ఈ రౌడీ స్టార్ కి ఉన్న ఫాలోయింగ్ బహుశా ఈమధకాలంలో హీరోలు అయిన ఎవ్వరికి లేదు’ అన్నది నిర్వివాదాంశం. ఇక ఈయన గత సినిమా గీత గోవిందం వంటి బ్లాక్ బస్టర్ సక్సెస్ తరువాత ఇక స్టార్ హీరోగా సెటిల్ అయిపోయాడు.
ఇదిలావుండగా విజయ్ తొలిసారిగా నోటా చిత్రంతో తమిళ చిత్రసీమలోకి అడుగుపెట్టాడు. అయితే ఈ సినిమా కథ రాజకీయాలు, ఒక యువ ముఖ్యమంత్రి పాత్రలో విజయ్ కనపడుతుండడంతో ప్రేక్షకుల దృష్టి ఈ సినిమా పైన పడింది. తీరా విడుదలయ్యాక ఈ చిత్రం చూసిన ప్రేక్షకులకి మాత్రం నిరాశే మిగిలింది.
నోటాలో ప్రధానంగా కనిపించిన లోపాలు- కథనం, తమిళ నేటివిటీ & దర్శకత్వం. ఈ మూడు ప్రధాన లోపాలతో ఈ సినిమా ప్రేక్షకులని ఆకట్టుకోలేకపోయింది. వరుణ్ పాత్రలో విజయ్ మెరిసినప్పటికి మిగతా అంశాలు సరైన విధంగా కుదురుకొని కారణంగా ఈ సినిమా ఆడియన్స్ ని మెప్పించలేకపోయింది.
నోటా సినిమాతో తన విజయాల పరంపరని కొనసాగిద్దాము అని అనుకున్న విజయ్ కి ఈ చిత్రం ఒక ఎదురుదెబ్బలా తగిలిందనే చెప్పాలి. ఏదేమైనా నోటా సినిమా విజయ్ ఫ్యాన్స్ ని సైతం నిరాశ పరచడంతో తొలిరోజు కలెక్షన్స్ బాగానే ఉన్నా రెండు మూడవ రోజు మాత్రం వసూళ్ళు తగ్గిపోయాయి అని సమాచారం.
ఇది ఈ వారం www.iQlikmovies.com టాక్ అఫ్ ది వీక్.
