ఆగ‌స్టు 5న బింబిసార విడుద‌ల అవుతోంది. క‌ల్యాణ్ రామ్ క‌థానాయ‌కుడిగా న‌టించిన సినిమా ఇది. ఇప్ప‌టికే ప్ర‌మోష‌న్లు జోరుగా సాగుతున్నాయి. ప్రీ రిలీజ్ ఈవెంట్ కూడా గ్రాండ్ గా జ‌రిగింది. ఈ కార్య‌క్ర‌మానికి ఎన్టీఆర్ రావ‌డంతో మ‌రింత శోభ సంత‌రించుకొంది. ప్రి రిలీజ్ ఈవెంట్ లో `బింబిసార‌` గురించి చాలా గొప్ప‌గా చెప్పాడు ఎన్టీఆర్‌. క‌ల్యాణ్ రామ్ కెరీర్ `బింబిసార‌`కు ముందు... `బింబిసార‌`కు త‌ర‌వాత‌.. అని చెప్పుకొనేలా ఉంటుంద‌ని, ఫ్యాన్స్ గ‌ర్వంతో కాల‌ర్ ఎగ‌రేస్తార‌ని, బింబిసార పాత్ర‌ని క‌ల్యాణ్ రామ్ త‌ప్ప మ‌రెవ్వ‌రూ చేయ‌లేరు, చేయ‌బోర‌ని.. ఇలా చాలా హైప్ ఇచ్చి మాట్లాడాడు.

బింబిసార సినిమాని ఎన్టీఆర్ చూసేశాడు. అందుకే అంత కాన్ఫిడెన్స్ క‌నిపించింది త‌న మాట‌ల్లో. క‌ల్యాణ్ రామ్ కూడా ఇంతే ఆత్మ‌విశ్వాసం క‌న‌బ‌రిచాడు. ``నూటికి రెండొంద‌ల శాతం ఈ సినిమా అభిమానుల్ని నిరుత్సాహ ప‌ర‌చ‌దు.. ఈ ఈ సినిమా గురించి అంద‌రూ గ‌ర్వంగా మాట్లాడుకుంటారు`` అని స్టేట్‌మెంట్ ఇచ్చాడు. ఈమ‌ధ్య చాలామంది హీరోలు ప్రీ రిలీజ్ ఫంక్ష‌న్లో ఇలానే కాన్ఫిడెన్స్ గా మాట్లాడారు. అయితే.. ఆ సినిమాల‌న్నీ ఫ్లాప్ అయ్యాయి. దాంతో వాళ్ల మాట‌లు ఆ త‌ర‌వాత జోక్ గా మారిపోయాయి. మ‌రి బింబిసార గురించి ఎన్టీఆర్‌, క‌ల్యాణ్ రామ్ లు ఇచ్చింది బిల్డ‌ప్పా? నిజంగానే ఇంత విష‌యం ఉందా? అనేది తెలియాలంటే ఇంకొన్ని రోజులు ఆగాలి.