ప్రభాస్ వరుస షూటింగులతో బిజీగా వున్నారు. ఆయన కథానాయకుడిగా నటిస్తున్న మూడు పాన్ ఇండియా సినిమాలు సెట్స్ పై వున్నాయి. ఆదిపురుష్, ప్రాజెక్ట్ కె, సలార్. ప్రస్తుతం ప్రాజెక్ట్ కె, సాలార్ షూటింగులు హైదరాబాద్ లోనే జరుగుతున్నాయి. ఈ రెండు చిత్రాల కోసం సవ్యసాచిలా పని చేస్తున్నారు ప్రభాస్. ఒక నెలలో 10 రోజులు సాలార్ కి మరో 15 రోజులు ప్రాజెక్ట్ కె కోసం కేటాయించారు. ఇందులో సలార్ షూటింగ్ శంషాబాద్ లో జరుగుతుంది. ప్రాజెక్ట్ కె రామోజీ ఫిల్మ్ సిటీలో చిత్రీకరిస్తున్నారు.
ప్రాజెక్ట్ కె, సలార్.. చిత్రాల కోసం సినీలోకం ఆసక్తిగా ఎదురుచూస్తోంది. కేజీఎఫ్ తో పాన్ ఇండియా సంచలనంగా మారిన ప్రశాంత్ కిషోర్ సాలార్ కి దర్శకుడు. టైటిల్ అనౌన్స్ మెంట్ తోనే ఈ సినిమాపై భారీ అంచనాలు పెరిగాయి.
ఇక మహానటి లాంటి క్లాసిక్ తీసిన నాగ్ అశ్విన్ దర్శకత్వంలో ప్రాజెక్ట్ కె తెరకెక్కుతోంది. వైజయంతి మూవీస్ నిర్మాణం. ఇటివలే నిర్మాత అశ్వనీదత్ ప్రాజెక్ట్ కె, అవెంజర్స్ స్థాయిలో వుంటుందని, యావత్ సినీలోకం ఆశ్చర్యపోతుందని చెప్పడం మరింత ఆసక్తిని పెంచింది.
