యంగ్ టైగర్ ఎన్టీఆర్  ఫాన్స్ సంబరాలు చేసుకునే న్యూస్ ఒకటి బయటికి వచ్చింది. RRR  సినిమా వరకు కేవలం టాలీవుడ్ కే పరిమితం అయిన ఎన్టీఆర్ ఈ మూవీ తరవాత గ్లోబల్ స్టార్ అయిపోయాడు. ఈ సినిమాతో ఎన్టీఆర్ నటనకి సరిపడా గుర్తింపు లభించింది. దీనితో ఇండియన్ టాప్ డైరక్టర్స్ ఈ యంగ్ టైగర్ తో కలిసి వర్క్ చేయటానికి ఆసక్తిగా ఉన్నారు. ఈక్రమంలోనే  బాలీవుడ్ అవకాశాలు కూడా అందిపుచ్చుకుంటున్నాడు ఎన్టీఆర్. ఇప్పటికే  క్రేజీ ప్రాజెక్ట్ వార్ 2 లో హృతిక్ తో కలిసి నటించనున్నాడు. ఇంకొన్ని కథలు వింటున్నాడు. కానీ ఏవి  సెట్ కాక, వాటికి గ్రీన్ సిగ్నల్ ఇవ్వలేదని టాక్.

వార్ 2 సినిమాలో హృతిక్ తో పాటు మెరవనున్న తారక్, ఇండియన్ ‘రా ఏజెంట్’ గా కనిపించబోతున్నాడని సమాచారం. ఈ సినిమా రిలీజ్ కాక ముందే తారక్ రెండో సినిమాకి సైన్ చేసినట్టు టాక్. ఈ మూవీ కూడా యష్ రాజ్ ఫిల్మ్స్ 'స్పై' యూనివర్స్‌లో భాగంగా తెరకెక్కుతోంది అని, ఇందులోనూ ఎన్టీఆర్ ఇండియన్ రా ఏజెంట్‌గా నటించబోతున్నారని తెలుస్తోంది. ఎన్టీఆర్ సోలో హీరోగా ఈ మూవీ రానుంది. ఎన్టీఆర్ బాలీవుడ్ ప్రాజెక్ట్స్ చూస్తుంటే చాలా పవర్ ఫుల్ గా ఉంది. అయాన్ ముఖర్జీ డైరెక్ట్ చేస్తున్న వార్ 2, యస్ రాజ్ ఫిల్మ్స్ లో సోలో హీరోగా రెండో సినిమా అంటే మామూలు విషయం కాదు. 

యశ్ రాజ్ ఫిల్మ్ స్పై యూనివర్స్ లో సల్మాన్ ఖాన్, షారుఖ్ ఖాన్, హృతిక్ రోషన్, టైగర్ ష్రాఫ్ ఉన్నారు. ఇప్పుడు ఈ టీమ్ లో ఎన్టీఆర్ కూడా జాయిన్ అయ్యాడని ఫాన్స్ ఆనందిస్తున్నారు. ఎన్టీఆర్ బాలీవుడ్ లో కూడా సూపర్ సక్సెస్ అవ్వాలని కోరుకుంటున్నారు ఫాన్స్.