ఎన్టీఆర్‌ కొత్త సినిమా బాబీ దర్శకత్వంలో తెరకెక్కుతోందన్న సంగతి తెలిసిందే. ఈ సినిమా ఫిబ్రవరిలోనే స్టార్ట్‌ అయ్యింది. కానీ ఈ సినిమా సెట్స్‌లో ఎన్టీఆర్‌ సందడి మొదలవలేదు. షూటింగ్‌ స్టార్ట్‌ అయినా కానీ ఎన్టీఆర్‌ ఇంకా షూటింగ్‌కి హాజరు కాలేదు. అయితే త్వరలోనే ఎన్టీఆర్‌ సెట్స్‌లో అడుగుపెట్టనున్నారట. ఈ సినిమా కోసం ఎన్టీఆర్‌ ఫిజిక్‌ విషయంలో కొంచెం కేర్‌ తీసుకుంటున్నాడనీ సమాచారమ్‌. 'జనతా గ్యారేజ్‌' సినిమాలో ఎన్టీఆర్‌ కొంచెం బొద్దుగా కనిపించాడు. ఈ సినిమాలో మూడు డిఫరెంట్‌ క్యారెక్టర్స్‌లో ఎన్టీఆర్‌ కనిపించబోతున్నాడు. అంటే ట్రిపుల్‌ రోల్‌ అన్న మాట. అందుకోసం తన బాడీ బిల్డింగ్‌లో కొన్ని మార్పులు చేసుకోవాలనుకుంటున్నాడట ఎన్టీఆర్‌. ఇప్పటికే చాలా వరకూ బాడీ తగ్గించాడనీ అంటున్నారు. అయితే ఈ మధ్య ఎన్టీఆర్‌ కనిపించిన ఇతరత్రా సినీ వేడుకల్లో ఆయనలో పెద్దగా ఛేంజ్‌ కనిపించింది లేదు. కానీ ఈ సినిమా కోసం ఎన్టీఆర్‌ ఒళ్లు మాత్రం తగ్గించే ప్రయత్నాల్లో ఉన్నాడనీ తెలుస్తోంది. అంతేకాదు ఈ సినిమాలో ఎన్టీఆర్‌ న్యూ లుక్‌ ట్రై చేస్తున్నాడనీ కూడా ఫిల్మ్‌నగర్‌ సమాచారమ్‌. వరుసగా 'టెంపర్‌', నాన్నకు ప్రేమతో', జనతా గ్యారేజ్‌' సినిమాల నుండీ ఎన్టీఆర్‌ డిఫరెంట్‌ లుక్స్‌లో కనిపిస్తూ వస్తున్నాడు. అలాగే ఈ సినిమా కోసం ఎన్టీఆర్‌ ఖచ్చితంగా ఓ న్యూ గెటప్‌తో కనిపించబోతున్నాడనీ తెలుస్తోంది. కళ్యాణ్‌ రామ్‌ నిర్మాణంలో తెరకెక్కుతోన్న ఈ సినిమాకి 'జై లవ్‌ కుశ' టైటిల్‌ని ఫిక్స్‌ చేశారు.