ఎన్టీఆర్ అభిమానుల‌కు శుభ‌వార్త‌. `ఆర్‌.ఆర్‌.ఆర్‌`కి సంబంధించి ఎన్టీఆర్ టీజ‌ర్ ని ఎప్పుడు చూస్తామో.. అని ఆస‌క్తిగా ఎదురు చూస్తున్న తార‌క్ ఫ్యాన్స్‌కి శుభ‌వార్త తెలిపింది `ఆర్‌.ఆర్‌.ఆర్` టీమ్‌. ఎన్టీఆర్ టీజ‌ర్ ని ఈనెల 22న విడుద‌ల చేయ‌నున్నారు. ఇందుకు సంబంధించిన అధికారిక ప్ర‌క‌ట‌న వ‌చ్చేసింది.

లాక్ డౌన్ త‌ర‌వాత‌.. సోమ‌వారం నుంచే `ఆర్‌.ఆర్‌.ఆర్‌` షూటింగ్ మొద‌లైంది. మంగ‌ళ‌వారం ఉద‌యం అభిమానుల‌కు ఓ అప్ డేట్ ఇస్తామ‌ని చిత్ర‌బృందం ముందే చెప్పింది. ఆ అప్ డేట్ ఎన్టీఆర్ టీజ‌ర్ గురించే. షూటింగ్ మొద‌లైన ప్రాసెస్ మొత్తాన్ని ఓ చిన్న వీడియోగా క‌ట్ చేసి విడుద‌ల చేసింది చిత్ర‌బృందం. ఈనెల 22న‌. ఎన్టీఆర్‌టీజ‌ర్ ని విడుద‌ల చేస్తున్నామ‌ని ప్ర‌క‌టించింది. ఈసారి ట్రీట్ అదిరిపోయేలా ఉంటుంద‌ని, ఎన్టీఆర్ ఫ్యాన్స్ కి త‌ప్ప‌కుండా న‌చ్చుతుంద‌ని చిత్ర‌బృందం ధీమాగా చెబుతోంది. అజ‌య్ దేవ‌గ‌ణ్ ప్ర‌తినాయ‌కుడిగా న‌టిస్తున్న ఈ చిత్రానికి కీర‌వాణి సంగీతం అందిస్తున్న సంగ‌తి తెలిసిందే. 2022 సంక్రాంతికి ఈ చిత్రం విడుద‌ల‌య్యే అవ‌కాశాలున్నాయి.