ఎన్టీఆర్ - రాజ‌మౌళి.. వీళ్లిద్ద‌రి గురించీ, ఈ కాంబినేష‌న్లో వ‌చ్చిన సినిమాల గురించి కొత్త‌గా చెప్పాల్సిన ప‌ని లేదు. రాజ‌మౌళి ప్ర‌యాణ‌మే.. ఎన్టీఆర్ తో మొద‌లైంది. సింహాద్రి, య‌మ‌దొంగ లాంటి సూప‌ర్ డూప‌ర్ హిట్లు ఈ కాంబినేష‌న్ లో చూశాం. ఇప్పుడు `ఆర్‌.ఆర్‌.ఆర్‌` కూడా రెడీ అవుతోంది. ఈ సినిమా త‌ర‌వాత ఎన్టీఆర్ తో మ‌రో పాన్ ఇండియా మూవీకి ప్లాన్ చేస్తున్నాడ‌ట రాజ‌మౌళి.

ఆర్‌.ఆర్‌.ఆర్ త‌ర‌వాత‌... మ‌హేష్ బాబుతో రాజ‌మౌళి ఓ సినిమా చేయాలి. అది పూర్త‌యిన వెంట‌నే ఎన్టీఆర్ తో సినిమా ఉంటుంద‌ని ఇన్ సైడ్ వ‌ర్గాల టాక్‌. విజ‌యేంద్ర ప్ర‌సాద్ ఇప్ప‌టికే క‌థ సిద్ధం చేసేశాడ‌ని, `ఆర్‌.ఆర్‌.ఆర్‌` సెట్లోనే ఈ క‌థ కూడా రాజ‌మౌళి ఎన్టీఆర్ కి వినిపించేశాడ‌ని, ఆ ఐడియా... ఎన్టీఆర్ కి కూడా బాగా న‌చ్చిందని తెలుస్తోంది. సో మ‌హేష్ సినిమా త‌ర‌వాత‌.. రాజ‌మౌళి ఎవ‌రితో చేస్తాడ‌న్న విష‌యంలో ఓ క్లారిటీ వ‌చ్చేసిన‌ట్టే.