అల వైకుంఠ‌పుర‌ములో త‌ర‌వాత‌.. ఎన్టీఆర్ తో ఫిక్స‌య్యాడు త్రివిక్ర‌మ్. అయితే.. అదే త‌న పొర‌పాటు అయిపోయింది. ఎందుకంటే అప్ప‌టికే `ఆర్‌.ఆర్‌.ఆర్‌`కి లాక్ అయిపోయాడు ఎన్టీఆర్‌. ఆ సినిమా లేట్ అవుతుంద‌ని ఊహించ లేక‌పోయాడు త్రివిక్ర‌మ్‌. కానీ... క‌రోనా వ‌ల్ల‌ ప‌రిస్థితులు త‌ల్ల‌కిందుల‌య్యాయి. సినిమాలు ఆల‌స్యం అయ్యాయి. ఆర్‌.ఆర్‌.ఆర్ మ‌రింత లేట్ అయ్యింది. దాంతో అటు ఎన్టీఆర్ కోసం ఎదురుచూడ‌లేక‌, ఇటు మ‌రో సినిమా చేసుకోలేక స‌త‌మ‌త‌మ‌వుతున్నాడు త్రివిక్ర‌మ్‌.

అయితే ఈలోగా మ‌రో సినిమా చేయాల‌ని రంగం సిద్ధం చేసేసుకున్నాడు. నాని లాంటి యూత్ హీరోతో చ‌క చ‌క ఓ సినిమా పూర్తి చేయాల‌ని ప్లాన్ చేశాడు. కానీ.. ఎన్టీఆర్ మాత్రం అందుకు ఒప్పుకోవ‌డం లేద‌ని తెలుస్తోంది. `అతి త్వ‌ర‌లోనే.. షూటింగ్ మొద‌లెడ‌దాం. ఈలోగా మ‌రో సినిమా చేయొద్దు` అంటున్నాడ‌ట‌. ఇది వ‌ర‌కు `ఈ గ్యాప్ లో మ‌రో సినిమా చేసుకోండి.. ఫ‌ర్వాలేదు` అని చెప్పిన తార‌క్‌.. ఇప్పుడు మాట మార్చ‌డంతో త్రివిక్ర‌మ్ కి ఏం చేయాలో పాలు పోవ‌డం లేద‌ట‌. `ద‌స‌రా త‌ర‌వాత షూటింగ్ మొద‌లెడ‌దాం` అని ఎన్టీఆర్ భ‌రోసా ఇస్తున్న‌ట్టు తెలుస్తోంది. అయితే ఇది సాధ్య‌మేనా? `ఆర్‌.ఆర్‌.ఆర్‌` పూర్త‌వ్వ‌కుండా ఎన్టీఆర్ మ‌రో సినిమా చేయ‌డానికి రాజ‌మౌళి ఎలా ఒప్పుకుంటాడు? అనే అనుమానాలున్నాయి. మొత్తానికి ఎన్టీఆర్‌, రాజ‌మౌళి మ‌ధ్య త్రివిక్ర‌మ్ న‌లిగిపోతున్నాడ‌నే చెప్పాలి.