లాక్ డౌన్ వ‌ల్ల, షూటింగులు ర‌ద్దు అవ్వ‌డం వ‌ల్ల‌.... ప్ర‌ణాళిక‌లు అన్నీ మారిపోతున్నాయి. చేయాల్సిన క‌థ‌లు ప‌క్క‌కెళ్లిపోతున్నాయి. కొత్త ప్రాజెక్టులు పుట్టుకొస్తున్నాయి. త్రివిక్ర‌మ్ విష‌యంలో ఇదే జ‌రుగుతోంది. అల వైకుంఠ‌పుర‌ములో త‌ర‌వాత‌.. ఎన్టీఆర్ తో సినిమా చేయాలి త్రివిక్ర‌మ్‌. క‌థ కూడా రెడీ చేసుకున్నాడు. అయితే.. ఎన్టీఆర్ కంటే ముందు మ‌రో ప్రాజెక్టుని రంగంలోకి దింప‌డానికి ప్లాన్ చేస్తున్నాడిప్పుడు.

ఎన్టీఆర్ కోసం ఇప్ప‌టికే క‌థ మొత్తం రెడీ చేశాడు త్రివిక్ర‌మ్‌. స్క్రిప్టు ప‌నులు దాదాపుగా పూర్త‌య్యాయి. డైలాగ్ వెర్ష‌న్ తో స‌హా. నిజానికి ఆగ‌స్టులో ఈ సినిమా మొద‌లెడ‌దామ‌నుకున్నారు. కానీ కుద‌ర్లేదు. `ఆర్‌.ఆర్‌.ఆర్‌` నుంచి ఎన్టీఆర్ ఎప్పుడు బ‌య‌ట‌ప‌డతాడో తెలీదు. అందుకే.. ఈలోగా మ‌రో సినిమా మొద‌లెట్టాల‌ని చూస్తున్నాడు త్రివిక్ర‌మ్‌. అందుకే ఇటీవ‌ల ఎన్టీఆర్ ని క‌లిసిన త్రివిక్ర‌మ్ మొత్తం ప‌రిస్థితిని వివ‌రించిన‌ట్టు తెలుస్తోంది. తాను `ఆర్‌.ఆర్‌.ఆర్‌` నుంచి బ‌య‌ట‌కు వ‌చ్చేలోగా మ‌రో సినిమా పూర్తి చేసుకోవ‌డానికి ఎన్టీఆర్ కూడా గ్రీన్ సిగ్న‌ల్ ఇచ్చిన‌ట్టు తెలుస్తోంది. సో.. త్రివిక్ర‌మ్ కి లైన్ క్లియ‌ర్ అయిన‌ట్టే. మ‌రి త్రివిక్ర‌మ్ ఏ హీరో కోసం క‌థ రెడీ చేశాడో? ఎవ‌రితో సినిమాని ప‌ట్టాలెక్కిస్తాడో తెలియాలంటే ఇంకొన్ని రోజులు ఆగాలి.