ఓ సినిమా సెట్స్‌పై ఉండ‌గా 'సినిమా బాగా వ‌చ్చింది.. సూప‌ర్ హిట్ అవ్వ‌డం ఖాయం' ఇలాంటి మాట‌లు చెబుతుంటారు ద‌ర్శ‌క నిర్మాత‌లు. అందులో న‌టించిన న‌టీన‌టులు కూడా అంతే.  'ఈ సినిమా మా కెరీర్‌లో ప్ర‌త్యేకంగా నిలిచిపోతుంది' అంటూ డ‌బ్బాలు కొడుతుంటారు.  అయితే.. 'రాజు గారి గ‌ది 2' విష‌యంలో మాత్రం నాగ్ నుంచి నెగిటీవ్ కామెంట్లు వినిపించాయి. 'ఈ సినిమాకి కొంత రీషూట్ చేయాల‌నుకొంటున్నాం' అంటూ నాగ్ అస‌లు గుట్టు చెప్పేశాడు.  రీషూట్ అన‌గానే సినీ జ‌నాల‌కు ఎక్క‌డ లేని అనుమానాలు మొద‌లైపోతాయి. 'రాజుగారి గ‌ది 2' విష‌యంలో ఇప్పుడు అదే జ‌రుగుతోంది.  ఎప్పుడైతే నాగ్ రీషూట్ అన్నాడో.. అప్పుడే రాజుగారి గ‌ది2 కి డామేజ్ మొద‌లైంది. నాగ్ లాంటివాడు అంత మాట అనేశాడేంటి? అంటూ చిత్ర‌బృందం షాక్ అవుతోంది. మ‌రీ ముఖ్యంగా ద‌ర్శ‌కుడు ఓంకార్ అయితే.. నాగ్ వ్యాఖ్య‌ల‌పై కినుక వ‌హించాడ‌ని స‌మాచారం.  నాగ్ రీషూట్లు జ‌రిపిన సినిమాలన్నీ హిట్ట‌య్యాయి. సోగ్గాడే, మ‌నం, సినిమాల‌కు నాగ్ చేసిన రీషూట్లు బాగా ప‌నికొచ్చాయి. అదే సెంటిమెంట్ రాజుగారి గ‌దికీ వ‌ర్క‌వుట్ అయితే.. అంత‌కంటే కావ‌ల్సింది ఏముంది?