ఓ మై కడవులే.. 2020 లో వచ్చిన తమిళ్ రొమాంటిక్ ఫాంటసీ. చిన్న సినిమాగా వచ్చిన ఈ చిత్రం మంచి విజయం సాధించింది. ఇప్పుడు ఈ సినిమాని తెలుగులో విశ్వక్ సేన్ హీరోగా రీమేక్ చేశారు. మాతృక దర్శకుడు అశ్వత్ మరిముత్తునే తెలుగు వెర్షన్ ని తెరకెక్కించాడు. తాజాగా ట్రైలర్ ని కూడా వదిలారు. మాతృకపై వున్న మమకారం ఏమిటో గానీ ట్రైలర్ ని తమిళ వెర్షన్ కి మక్కీమక్కీగా కట్ చేశారు.
దాదాపు ఒకటే సీన్లు, డైలాగులు,ఫ్రేములు కనిపించాయి. తమిళ్ లో విజయ్ సేతుపతి పాత్రని తెలుగు వెంకటేష్ చేయడం ఇంట్రస్టింగా వుంది. విశ్వక్ ఇమేజ్ కి సరిపడే కథ ఇది. తమిళ వెర్షన్ చూడని ప్రేక్షకులకు మాత్రం ఓరి దేవుడా ఫ్రెష్ కంటెంట్ ఫీలింగ్ ఇస్తుంది. ముఖ్యంగా యూత్ కి కనెక్ట్ అయ్యే కంటెంట్ ఇది. ట్రైలర్ ప్రామెసింగ్ అనిపించింది. ఈనెల 21న సినిమా ప్రేక్షకుల ముందుకు వస్తోంది.
