'నా జిందగీ.. పిచాక్‌'
యూత్‌ఫుల్‌ ఎంటర్‌టైనర్స్‌కి ఇప్పుడు క్రేజ్‌ మామూలుగా లేదు. చిన్న సినిమా, పెద్ద సినిమా అనే తేడా లేకుండా వన్స్‌ యూత్‌కి కనెక్ట్‌ అయ్యిందంటే చాలు. సోషల్‌ మీడియా పుణ్యమా అని ప్రమోషన్స్‌ హోరెత్తిపోతున్నాయంతే. తాజాగా ఓ యూత్‌ఫుల్‌ ఎంటర్‌టైనర్‌ మూవీ ముచ్చట్లు ఇప్పుడు ట్రెండింగ్‌లోకి వచ్చాయి. అదే 'హుషారు' మూవీ. ఇందులో హీరో హీరోయిన్స్‌గా నటించే కుర్రోళ్లు, కుర్రదాని పేర్లు ఏంటా అనే విషయం పక్కన పెడితే, ఓ మోస్తరు పరిచయం ఉన్న రాహుల్‌ రామకృష్ణ ఈ సినిమాలో గెస్ట్‌ రోల్‌లో నటిస్తున్నాడు. అది సినిమాకి వెరీ వెరీ ఇంపార్టెంట్‌ రోలే. అయితే తాజాగా చిత్ర యూనిట్‌ ఈ సినిమా నుండి ఓ ప్రమోషన్‌ సాంగ్‌ని బయటికి వదిలారండీ. ఆ సాంగ్‌ చేస్తున్న హడావిడి అంతా ఇంతా కాదు.
యూత్‌కి కాకపోతే ఇలాంటి సాంగ్‌ కాన్సెప్ట్‌ ఇంకెవ్వరికి కనెక్ట్‌ అవుతుంది చెప్పండి. అందుకే ఏరి కోరి ఈ సాంగ్‌ని వదిలినట్లున్నారు. 'నా జిందగీ.. పచాక్‌' అంటూ బీటెక్‌ చేసి సాఫ్ట్‌వేర్‌ ఉద్యోగం చేస్తున్న ఓ కుర్రోడి కష్టాల్ని సింపుల్‌గా వెరీ కనెక్టివ్‌గా ఒకే ఒక సాంగ్‌లో చెప్పేయడమే కాదు, చూపించేశారు. కరెక్ట్‌గా అక్కడే యూత్‌ కనెక్ట్‌ అయిపోతోంది మరి. విడుదలైన కొన్ని నిమిషాలకే ఈ సాంగ్‌ సోషల్‌ మీడియాలో వైరల్‌ అయిపోయింది. శ్రీహర్ష కొనుగంటి దర్శకత్వంలో తెరకెక్కుతోన్న ఈ 'హుషారు' మూవీ డిశంబర్‌ 7న ప్రేక్షకుల ముందుకు రానుంది. 'ఫసక్‌ హిట్‌ ..'కాదు కాదు, 'పిచాక్‌ హిట్‌' కట్టబెట్టేస్తారేమో చూడాలి మరి.
