టీజర్‌ టాక్‌: 'పడి పడి లేచె మనసు'.!

By iQlikMovies - October 10, 2018 - 12:12 PM IST

మరిన్ని వార్తలు

'ఫిదా', 'మిడిల్‌ క్లాస్‌ అబ్బాయి' సినిమాలతో లక్కీ బ్యూటీ అనిపించుకున్న మలర్‌ బ్యూటీ సాయి పల్లవి తాజా చిత్రం 'పడి పడి లేచె మనసు' ప్రేక్షకుల ముందుకు వచ్చేందుకు సిద్ధమవుతోంది. డిశంబర్‌ 21న సినిమా రిలీజ్‌ కానుంది. 

లేటెస్టుగా ఈ మూవీ టీజర్‌ని రిలీజ్‌ చేశారు. హను రాఘవపూడి దర్శకత్వంలో రూపొందిన ఈ ఇంట్రెస్టింగ్‌ లవ్‌స్టోరీలో ఫెస్టివల్‌ హీరో శర్వానంద్‌ హీరోగా నటిస్తున్నాడు. టీజర్‌ ఎలా ఉంది అని మాట్లాడుకోవడానికి ముందు హీరోయిన్‌ సాయి పల్లవి గురించి మాట్లాడుకోవాలి. మరోసారి ఈ బ్యూటీ తన నేచురల్‌ పర్‌ఫామెన్స్‌తో ఎట్రాక్ట్‌ చేసింది. ఒక్క మాటలో చెప్పాలంటే, హీరో శర్వానంద్‌ని డామినేట్‌ చేసేసింది. హీరోయిన్‌ బస్సులో వెళుతుంటే, బస్సు వెనకాలే హీరో బైక్‌పై ఆమెను ఫాలో చేస్తుంటాడు, కేఫ్‌లోనూ మరో చోట హీరోది అదే పని. ఓ సారి హీరోయిన్‌, హీరోని నిలదీసేస్తుంది. 

అస్సలేమాత్రం తడుముకోకుండా హీరో కిలోమీటరు దూరం నుండి 'నేనేదో లవ్‌ చేసుకుంటుంటే నీకు తెలిసిపోయిందా..' అని అడుగుతాడు. శర్వా ఈజ్‌ సాయి పల్లవి నేచురల్‌ యాక్టింగ్‌ టీజర్‌కి హైలైట్‌గా నిలిచాయి. హను రాఘవపూడి ఈ సినిమా విషయంలో పెద్దగా రిస్క్‌ల జోలికి వెళ్లలేదనీ ఓ క్యూట్‌ లవ్‌స్టోరీని తెరకెక్కించాడనీ ప్రచారం జరుగుతోంది. దానికి తగ్గట్లుగానే టీజర్‌ని రూపొందించినట్లు అనిపిస్తోంది.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS