ప్ర‌భాస్ తో మారుతి సినిమా అన‌గానే.. ప్ర‌భాస్ అభిమానులు అనుమాన‌పు చూపులు చూశారు. ప్ర‌భాస్ ఏంటి? మారుతితో ఏంటి? అంటూ ఆలోచ‌న‌లో పడ్డారు. కొంత‌మంది ప్ర‌భాస్ ఫ్యాన్స్ అయితే... `అన్నా.. మారుతితో సినిమా మానుకో..` అంటూ సోష‌ల్ మీడియా సాక్షిగా ప్ర‌భాస్‌కి సందేశాలు పంపారు. కానీ.. ఈ సినిమా ప‌క్కా అంటూ వార్త‌లు వ‌చ్చేశాయి. ఇప్పుడు `ప‌క్కా క‌మ‌ర్షియ‌ల్` సినిమా విడుద‌లైంది. తొలి రోజు, తొలి షోకే... ఫ్లాప్ టాక్ బ‌య‌టకు వ‌చ్చేసింది. ఈ సినిమా ఫ్లాప్ అన‌గానే... ముందుగా కంగారు ప‌డింది ప్ర‌భాస్ ఫ్యాన్సే.

ప‌క్కా క‌మ‌ర్షియ‌ల్ సినిమా హిట్ట‌యితే, ప్రభాస్ అభిమానుల్లో ఓ న‌మ్మ‌కం ఏర్ప‌డేది. కానీ ఇది కాస్త డిజాస్ట‌ర్ అయిపోయింది. దాంతో గోపీచంద్ నే హ్యాండిల్ చేయ‌లేని మారుతి, ప్ర‌భాస్ ని ఏం చేస్తాడంటూ కామెంట్లు మొద‌ల‌య్యాయి. ఈ సినిమాని ప్ర‌భాస్ వ‌దులుకోవాల‌ని, మిగిలిన సినిమాల‌పై దృష్టి పెట్టాల‌ని ప్ర‌భాస్ అభిమానులు కోరుకుంటున్నారు. మ‌రి.. ప్ర‌భాస్ ఏం చేస్తాడో, ఎలాంటి నిర్ణ‌యం తీసుకుంటాడో? ఇప్ప‌టి వ‌ర‌కూ ఈ సినిమాపై అఫీషియ‌ల్ స్టేట్‌మెంట్ రాలేదు కాబ‌ట్టి.. ఇప్పుడు డ్రాప్ అయినా పెద్ద‌గా న‌ష్టం ఉండ‌దు. కాక‌పోతే.. ప్ర‌భాస్ మాట ఇచ్చాడంటే, దానికి నిల‌బ‌డి ఉంటాడు.

ఇచ్చిన మాట కోసం ఈ సినిమా చేసినా చేసేస్తాడు. అదే ప్రభాస్ అభిమానుల భ‌యం.