‘పలాస’ సినిమాతో ప్రేక్షకుల ముందుకొస్తోన్న ముద్దుగుమ్మ నక్షత్ర. సినిమాకి ప్రీ రిలీజ్‌ బజ్‌ బాగుంది. ఇక హీరోయిన్‌కైతే, ముందే మంచి మార్కులు పడిపోతున్నాయి. అందానికి అందం, యాక్టింగ్‌ టాలెంట్‌ చాలా ప్రామిసింగ్‌గా కనిపిస్తుందంటూ మాట్లాడుకుంటున్నారు. ఆల్రెడీ ఈ ముద్దుగుమ్మ గతంలో ‘రాజ్‌దూత్‌’ సినిమాలో హీరోయిన్‌గా నటించింది. శ్రీహరి తనయుడు డెబ్యూ చేసిన ఈ సినిమాలోనే హీరోయిన్‌ చాలా బాగుందే అనిపించుకుంది. అయితే, ఆ సినిమా అంతగా సక్సెస్‌ కాకపోవడంతో, పాపకి అంతగా పేరు రాలేదు కానీ, ‘పలాస’ ప్రమోషన్స్‌లో నక్షత్ర స్పెషల్‌ ఎట్రాక్షన్‌ అవుతోంది. ప్రమోషన్స్‌లో చాలా అందంగా యాక్టివ్‌గా కనిపిస్తోంది.
ఒకవేళ సినిమా హిట్‌ అయితే, ఈ ముద్దుగుమ్మకి ముందు ముందు బ్రైట్‌ ఫ్యూచర్‌ ఉంటుందని అంటున్నారు. చాలా ఎక్స్‌ప్రెసివ్‌గా కనిపిస్తోంది. ఇన్ని బెస్ట్‌ ఫిజికల్‌ క్వాలిటీస్‌ ఉన్న నక్షత్రకు లక్కు కూడా కలిసొస్తే, కెరీర్‌లో ఇక చూసుకోనక్కర్లేదు. రక్షిత్‌ హీరోగా తెరకెక్కుతోన్న ఈ సినిమాని సురేష్‌ ప్రొడక్షన్స్‌ బ్యానర్‌ ద్వారా రిలీజ్‌ చేస్తున్నారు. కరుణ కుమార్‌ దర్శకత్వం వహించారు. మార్చి 6న రిలీజ్‌ కానుంది.
