పవన్‌ కళ్యాణ్‌ కొత్త సినిమాకి 'అజ్ఞాతవాసి' అనే టైటిల్‌ ప్రచారంలో ఉంది. త్రివిక్రమ్‌ శ్రీనివాస్‌ దర్శత్వంలో ఈ సినిమా తెరకెక్కుతోంది. సినిమా షూటింగ్‌ అయితే శరవేగంగా జరుగుతోంది. కానీ టైటిల్‌ రివీల్‌ కాలేదు. ఈ మధ్యనే ఓ కాన్సెప్ట్‌ డిజైన్‌ వచ్చింది. అలాగే సాంగ్‌ టీజర్‌ని కూడా వదిలారు. తమిళ యంగ్‌ అండ్‌ డైనమిక్‌ మ్యూజిక్‌ డైరెక్టర్‌ అనిరుధ్‌ ఈ సినిమాతో తెలుగులోకి ఎంట్రీ ఇస్తున్నాడు మ్యూజిక్‌ డైరెక్టర్‌గా. త్రివిక్రమ్‌ సారధ్యంలో అనిరుధ్‌ ట్యూన్‌ చేసి పాడుతోన్న ఈ సాంగ్‌ టీజర్‌ చివర్లో సూపర్‌ స్టైలిష్‌గా పవన్‌ కన్పించాడు. అయితే టైటిల్‌ మీద సస్పెన్స్‌ కొనసాగుతోంది. విజయదశమి సందర్భంగా టైటిల్‌ ప్రకటిస్తారట. పవన్‌ కళ్యాణ్‌ సినిమాలకే కాదు టైటిల్స్‌కీ ప్రాధాన్యత ఎక్కువే. ఓ వపర్‌ ఫుల్‌ టైటిల్‌ని అయితే ఈ సినిమాకి పెట్టనున్నారని తెలియవస్తోంది. దాంతోపాటే టీజర్‌ కూడా రావొచ్చని సమాచారమ్‌. 'అత్తారింటికి దారేది' సూపర్‌ సెన్సేషనల్‌ కాంబినేషన్‌లో తెరకెక్కుతోన్న సినిమా ఇది. అంతకు ఏమాత్రం తగ్గకుండా, ఈ సినిమాలో ఎంటర్‌టైన్‌మెంట్‌ ఉండనుందట. మంచి ఫ్యామిలీ అండ్‌ రొమాంటిక్‌ ఎంటర్‌టైనర్‌ ఇది. పవన్‌ మోస్ట్‌ హ్యాండ్‌సమ్‌గా కనిపించనున్నాడు ఈ సినిమాలో. ఈ సినిమాపై భారీగా అంచనాలున్నాయి. అను ఇమ్మాన్యుయేల్‌, కీర్తి సురేష్‌ ఈ సినిమాలో హీరోయిన్లుగా నటిస్తున్నారు. సంక్రాంతికి ఈ సినిమాని విడుదల చేసే యోచనలో చిత్ర యూనిట్‌ ఉంది.