పవన్‌కళ్యాణ్‌తో ఓ సారి సినిమా ఛాన్స్‌ రావడమే గొప్ప విషయం. దర్శకుడిగా రెండోసారి పవన్‌తో సినిమా చేసే ఛాన్స్‌ దక్కించేసుకున్నాడు డాలీ. ముచ్చటగా మూడోసారి కూడా తనకు పవన్‌తో అవకాశం దక్కుతుందనే ధీమాతో ఉన్నాడాయన. పూరి జగన్నాథ్‌, ఎస్‌జె సూర్య తదితరులు ఇప్పటికే పవన్‌తో రెండోసారి సినిమా చేసి తమ ప్రత్యేకతను చాటుకున్నారు. మూడో సినిమా చేసే ఛాన్స్‌ ఎస్‌జె సూర్యకి వచ్చినట్టే వచ్చి చేజారిపోయింది. లేదంటే 'కాటమరాయుడు' చిత్రానికి ఆయనే దర్శకత్వం వహించి ఉండాల్సింది. కొన్ని కారణాలతో ఎస్‌జె సూర్య తప్పుకోవడంతో పవన్, 'కాటమరాయుడు' చిత్రాన్ని డాలీ చేతుల్లో పెట్టాడు. అయితే డాలీ సొంతంగా పవన్ కోసం ఓ సబ్జెక్ట్‌ తయారుచేసుకున్నాడు. ఆ సబ్జెక్ట్‌ పవన్‌కి బాగా నచ్చినా, ముందుగా 'కాటమరాయుడు'ని పట్టాలెక్కించారట. దాంతో డాలీ, మూడోసారి పవన్ సినిమాకి దర్శకత్వం వహించడం ఖరారైపోయిందని అనుకుంటున్నారు. అతి త్వరలోనే ఈ కాంబినేషన్‌పై పవన్ క్లారిటీ ఇవ్వనున్నారని సమాచారమ్‌. ఏదేమైనా పవన్‌తో మూడోసారి సినిమా చేస్తానని కాన్ఫిడెంట్‌గా చెప్పిన డాలీకి హేట్సాఫ్‌ చెప్పాల్సిందే. మరో పక్క పవన్ కళ్యాణ్‌ ప్రస్తుతం త్రివిక్రమ్‌తో సినిమా చేస్తున్నాడు. ఈ సినిమా తర్వాత పవన్ చేయబోయే సినిమాలు చాలా ఉన్నాయి. వాటితో పాటు ఇప్పుడు కొత్తగా డాలీ సినిమా ఒకటి వచ్చి చేరింది. దీంతో పవన్ డైరీ ఇప్పుడప్పుడే ఖాళీ అయ్యేలా లేదు. ఏడాదికి ఒక సినిమా చేసే పవన్ ఏడాదికి మూడు, నాలుగు సినిమాలు చేసినా ఆశ్చర్యపోనంత బిజీగా ఉన్నాడిప్పుడు.
