మెగా ప్రిన్స్‌ వరుణ్‌ తేజ్‌ హీరోగా తెరకెక్కుతోన్న చిత్రం 'మిస్టర్‌'. ఈ సినిమా ఏప్రిల్‌ 14న ప్రేక్షకుల ముందుకు రానుంది. ఒక రోజు ముందే ఈ సినిమాను విడుదల చేయాలనుకున్నారు. కానీ ముందుగా అనుకున్న డేట్‌కే సినిమా వస్తుందని చిత్ర యూనిట్‌ తాజాగా తెలిపింది. ఏప్రిల్‌ 7న ఈ సినిమా ప్రీ రిలీజ్‌ ఫంక్షన్‌ని ఘనంగా నిర్వహించనున్నారు. ఈ సినిమాకి మెగాస్టార్‌ చిరంజీవి ఛీఫ్‌ గెస్ట్‌గా రానున్నారు. పవర్‌స్టార్‌ పవన్‌ కళ్యాన్‌ని కూడా ఈ ఫంక్షన్‌కి రప్పించే యోచనలో మెగా ఫ్యామిలీ ఉన్నట్లు తెలియ వస్తోంది. పవన్‌ రాక విషయంలో ఫ్యాన్స్‌ నుండి ఒత్తిడి సాధారణంగానే ఉంటుంది ఎప్పుడూ మెగా వేడుకల్లో. అందుకే ఈ సారి ఎలాగైనా పవన్‌ని ఈ ఫంక్షన్‌కి రప్పించాలనుకుంటున్నారట. ప్రస్తుతం పవన్‌ కళ్యాణ్- త్రివిక్రమ్‌తో సినిమా చేస్తున్నాడు. ఆ సినిమా షూటింగ్‌లో బిజీగా ఉన్నారు ఆయన. మరి ఈ ఫంక్షన్‌కి వస్తారా? రారా ? అనే విషయంలో ఇంకా క్లారిటీ లేదు. కానీ చిత్ర బృందం ప్రయత్నం అయితే చేస్తోంది. శ్రీను వైట్ల డైరెక్షన్‌లో ఈ సినిమా తెరకెక్కుతోంది. హెబ్బా పటేల్‌, లావణ్య త్రిపాఠి హీరోయిన్లుగా నటిస్తున్నారు. ఇటీవల విడుదలైన ప్రచార చిత్రానికి మంచి రెస్పాన్స్‌ వచ్చింది. వరుణ్ తేజ్ ఈ సినిమాలో రెండు డిఫరెంట్‌ గెటప్స్‌లో కనిపిస్తున్నాడు. ఫ్యామిలీ అంతా కలిసి చూడదగ్గ ఓ మంచి కూల్‌ రొమాంటిక్‌ ఎంటర్‌టైనర్‌గా ఈ సినిమా రూపొందుతోంది.