ప‌వ‌న్ క‌ల్యాణ్‌... నిజంగా ప‌వ‌ర్ స్టార్‌. ఈ విష‌యంలో ఎలాంటి అనుమాన‌మూ లేదు. ఎన్ని ఫ్లాపులు ఉన్నా, ఆయ‌న రేంజ్ ఏమాత్రం త‌గ్గ‌దు. పైగా ఫ్లాపుల్లో ఉన్న‌ప్పుడే - త‌న‌కు పారితోషికం ఎక్కువ ఇస్తారు. ఆ విష‌యాన్ని ప‌వ‌న్ సైతం ఒప్పుకున్నాడు. ఇప్పుడు కూడా చూడండి.. ప‌వ‌న్ చేతిలో బోలెడ‌న్ని సినిమాలు. ప‌వ‌న్ `ఊ..` అంటే ఇంకొన్ని వచ్చి ప‌డిపోతాయి.
కానీ.. స‌మ‌స్య‌ల్లా ఒక్క‌టే. ప‌వ‌న్‌కి మూడ్ ఉంటే సెట్ కి వ‌స్తాడు లేదంటే లేదు. ఆ బ‌ద్ద‌క‌మే చాలా సినిమాల‌కు, అన్నింటికంటే ముఖ్యంగా ప‌వ‌న్ కెరీర్‌కు శాపంగా మారుతోంది. `వ‌కీల్ సాబ్` విష‌యానికే వ‌ద్దాం. ఎప్పుడో రావాల్సిన సినిమా ఇది. క‌రోనా వ‌ల్ల ఆల‌స్యం అయ్యింది. ప‌వ‌న్ వ‌ల్ల ఇప్పుడు మ‌రింత ఆల‌స్యం అవుతోంది. ప‌వ‌న్ రాక ఆల‌స్యం అవ్వ‌డంతో.. చాలా నిదానంగానే `వ‌కీల్ సాబ్` కొత్త షెడ్యూల్ ప్రారంభం అయ్యింది. ఇప్పుడు కూడా ప‌వ‌న్ అప్పుడ‌ప్పుడే సెట్ కి వ‌స్తున్నాడ‌ట. ప‌వ‌న్ ఇలా ఇష్టం వ‌చ్చిన‌ప్పుడు సెట్ కి రావ‌డం, లేన‌ప్పుడు మానేయ‌డం వ‌ల్ల... వ‌కీల్ సాబ్ మ‌రింత ఆసల్యం అవుతోంది. నిజానికి సంక్రాంతికి ఈ సినిమాని విడుద‌ల చేద్దాం అనుకున్నారు. కానీ.. ఇప్పుడు ఆ అవ‌కాశాల్లేవ‌ని తెలుస్తోంది. సంక్రాంతికి చాలా సినిమాలు వ‌రుస‌లో ఉండ‌డం, వ‌కీల్ సాబ్ షూటింగ్ ఇంకా ఓ కొలిక్కి రాక‌పోవ‌డం వ‌ల్ల ఈ సినిమా ఆల‌స్యం అయ్యే అవ‌కాశాలున్నాయ‌ని తెలుస్తోంది. సంక్రాంతికి మిస్ అయితే.. ఇక వ‌చ్చేది ద‌స‌రాకే. ప‌వ‌న్ మూడ్ బాగుంటే, చ‌క చ‌క షూటింగ్ పూర్తి చేస్తే త‌ప్ప.. వ‌కీల్ సాబ్ ఈ సంక్రాంతికి రాదు.
