పవర్ స్టార్ పవన్ కళ్యాణ్ అజ్ఞాతవాసి ఆడియో విడుదల వేడుక నిన్న కన్నుల పండుగగా జరిగింది. పవర్ స్టార్ ఫ్యాన్స్ నడుమ, త్రివిక్రమ్ స్పీచ్, పవన్ ఎమోషనల్ స్పీచ్ నడుమ ఈ వేడుక అద్బుతంగా జరిగింది.
ఇదిలావుండగా ఈ సినిమాలో పవన్ కళ్యాణ్ ఒక పాట పాడినట్టు అది డిసెంబర్ 31న విడుదల చేయనున్నట్టు నిన్న తెలిపారు. “కొడకా కోటేశ్వరరావు” అనే సాగే ఈ మాస్ మసాలా పాటని పవన్ ఆలపించాడు. అనిరుద్ ఈ చిత్రానికి భాణీలు సమకూర్చాడు.
ఈ పాట ఎలా ఉండబోతున్నది అన్న చర్చ ఇప్పటికే ఆయన అభిమానుల్లో ఉండగా, ఇది కచ్చితంగా అజ్ఞాతవాసి ఆల్బం లోనే బెస్ట్ సాంగ్ అవుతుంది అంటూ ఫ్యాన్స్ బెట్టింగ్స్ కూడా కడుతున్నారు. ఇప్పటికే అత్తారింటికి దారేది చిత్రంలో ‘కాటమరాయుడా’ అనే పాట పాడిన పవన్ కళ్యాణ్, ఆ పాట ఆ చిత్ర విజయంలో ఎంతటి కీలక పాత్ర పోషించిందో వేరే చెప్పక్ర్లేదు.
ఇప్పుడు మరోసారి తన గాత్రానికి ఈ చిత్రం ద్వారా పనిచేప్పబోతున్నాడు. అయితే ఆయన వరుసగా పాడిన రెండు పాటలు త్రివిక్రమ్ కోసమే అవ్వడం గమనార్హం. చూద్దాం.. ఈ ‘కొడకా కోటేశ్వరరావు’ ఎంతవరకు ఈ చిత్రానికి ఉపయోగపడుతుందో అన్నది..
