పవన్‌ కళ్యాణ్‌కి సినిమాల్లోకి రాక ముందే మార్షల్‌ ఆర్ట్స్‌పై అవగాహన ఉంది. తొలి సినిమాకే మార్షల్‌ ఆర్ట్స్‌ టాలెంట్‌ని కూడా సినిమాలో చూపించాడు. ఆ తర్వాత వచ్చిన పలు చిత్రాల్లో మార్షల్‌ ఆర్ట్స్‌ ప్రతిభని చూపిస్తూనే వచ్చాడు. ఈ మధ్యే పవన్‌ మార్షల్‌ ఆర్ట్స్‌ని కొంచెం పక్కన పెట్టాడట. అయితే మళ్లీ తన తాజా చిత్రం కోసం పవన్‌ మార్షల్‌ ఆర్ట్స్‌ నేర్చుకుంటున్నాడట. త్రివిక్రమ్‌ - పవన్‌ కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఈ సినిమాలో ఫైట్స్‌ చాలా డిఫరెంట్‌గా ఉండబోతున్నాయట. అందుకోసం హాలీవుడ్‌ ఫైట్‌ మాస్టర్‌ని తీసుకొచ్చిందట చిత్ర బృందం. ఆయన పర్యవేక్షణలో పవన్‌ మార్షల్‌ ఆర్ట్స్‌లో స్పెషల్‌గా శిక్షణ తీసుకుంటున్నారట. ప్రస్తుతం ఈ సినిమా షూటింగ్‌ శరవేగంగా జరుగుతోంది. కీర్తి సురేష్‌, అనూ ఇమ్మాన్యుయేల్‌: ఈ సినిమాలో పవన్‌ కళ్యాణ్‌క జోడీగా నటిస్తున్నారు. ఎంటర్‌టైన్‌మెంట్‌తో పాటు, యాక్షన్‌కీ పెద్ద పీట వేయనున్నారట ఈ సినిమాలో. ఇటీవల విడుదలైన 'కాటమరాయుడు' సినిమా నిరాశ పరచడంతో పవన్‌ ఈ సినిమాపై ఎక్కువ దృష్టి పెట్టారట. అలాగే త్రివిక్రమ్‌ కూడా చాలా జాగ్రత్తగా ఈ సినిమా తెరకెక్కిస్తున్నారు. ఈ ఇద్దరి కాంబినేషన్‌లో తెరకెక్కిన చిత్రాలన్నీ సూపర్‌ డూపర్‌ హిట్లయ్యాయి. ఈ సినిమా కూడా ఖచ్చితంగా విజయం సాధిస్తుందని పవన్‌ ఫ్యాన్స్‌ ఆకాంక్షిస్తున్నారు.