పవన్‌ కళ్యాణ్‌ హీరోగా తెరకెక్కుతోన్న చిత్రం 'కాటమరాయుడు'. డాలీ దర్శకత్వంలో ఈ సినిమా తెరకెక్కుతోంది. తమిళంలో సూపర్‌ హిట్‌ అయిన 'వీరమ్‌' సినిమాకి రీమేకే ఈ సినిమా. అక్కడ అజిత్‌, తమన్నా జంటగా నటించిన ఈ సినిమా తెలుగులో 'వీరుడొక్కడే' పేరుతో విడుదలైంది. ఈ సినిమాని అందరూ ఇప్పటికే చూసేశారు. తెలుగులో కూడా మంచి రెస్పాన్స్‌ అందుకుంది ఈ సినిమా. అయితే పవన్‌ కళ్యాణ్‌ చేస్తున్న ఈ సినిమాలో చాలా మార్పులే చేశారట. ఫ్యాక్షన్‌ లవ్‌స్టోరీ అనే మెయిన్‌ థీమ్‌ని మాత్రమే కథాంశంగా తీసుకుని స్క్రీన్‌ప్లేలో పలు అంశాల్ని చేర్చారట. తాజాగా విడుదలైన ఈ సినిమా టీజర్‌ సోషల్‌ మీడియాలో సెన్సేషనల్‌ హిట్స్‌ అందుకుంటోంది. అలాగే ఓవర్సీస్‌లో కూడా ఈ సినిమాపై భారీగా అంచనాలున్నాయి. మాస్‌ సినిమా అయినా కానీ ఈ సినిమా విషయంలో అక్కడి ప్రేక్షకులు చాలా ఇంట్రెస్టింగ్‌గా ఎదురు చూస్తున్నారట. సామాన్యంగా ఓవర్సీస్‌ ఆడియన్స్‌ ఎక్కువ క్లాస్‌ సినిమాలనే ఆదరిస్తారు. అలాంటిది పవన్‌కి మాత్రం ఓవర్సీస్‌లో ఉన్న మార్కెట్‌ని బట్టి, ఈ సినిమాపై అక్కడ కూడా భారీగా అంచనాలున్నాయి. ఈ సారి ఇక్కడా అక్కడా కూడా పవర్‌ స్టార్‌ రికార్డులు తుడిచిపెట్టేలానే ఉన్నారు ఈ జోరు చూస్తుంటే.ఈ సినిమాలో పవన్‌ కళ్యాణ్‌కి జోడీగా ముద్దుగుమ్మ శృతిహాసన్‌ నటిస్తోంది. మార్చిలో ఈ సినిమా ప్రేక్షకుల ముందుకు రానుంది.