'ఆ' ఇమేజ్‌ కోరి తెచ్చుకున్నది కాదంటోన్న బోల్డ్‌ బ్యూటీ.!

By Inkmantra - January 27, 2020 - 17:01 PM IST

మరిన్ని వార్తలు

'ఆర్‌ఎక్స్‌ 100' సినిమాలో బోల్డ్‌ క్యారెక్టర్‌లో కనిపించి, కుర్రకారు మనసుల్ని కొల్లగొట్టేసిన ముద్దుగుమ్మ పాయల్‌ రాజ్‌పుత్‌. 'వెంకీ మామ' వంటి సినిమాలో హోమ్లీ రోల్‌ పోషించినా, ఆమెకు ఆ బోల్డ్‌ ఇమేజ్‌ మాత్రం పోవడం లేదు. అయితే, వాస్తవానికి బోల్డ్‌ ఇమేజ్‌ని హీరోయిన్లు ఓ పట్టాన ఒప్పుకోరు. కానీ, పాయల్‌ మాత్రం అందుకు భిన్నం. ఆ ఇమేజే తనకు అంత క్రేజ్‌ తెచ్చిపెట్టిందంటోంది. ఆ క్రేజ్‌ కోరుకుంటే వచ్చేది కాదనీ, సో ఆ ఇమేజ్‌ని తాను చెరిపేయాలనుకోవడం లేదనీ, ఫుల్‌గా ఎంజాయ్‌ చేస్తున్నాననీ చెబుతోంది.

 

లేటెస్ట్‌గా పాయల్‌ 'డిస్కోరాజా' సినిమాలో నటించింది. మొదట్నుంచీ పాయల్‌ పాత్రను సస్పెన్స్‌గానే ఉంచారు. సినిమా రిలీజయ్యాక ఆ పాత్రను ఎందుకు సస్పెన్స్‌గా ఉంచారో అర్ధమైంది. 80ల కాలంలో ఓ మూగ అమ్మాయి పాత్రలో పాయల్‌ నటించింది. చాలా తక్కువ నిడివి ఉన్న పాత్ర ఇది. కానీ, పాయల్‌ ఆ పాత్రకు తన శక్తికి మేర న్యాయం చేసింది. అయితే సినిమా రిజల్ట్‌ విషయంలో ఇంకా సరైన క్లారిటీ రాలేదనుకోండి. ఆ విషయం పక్కన పెడితే, ప్రస్తుతం పాయల్‌ ఓ హీరోయిన్‌ ప్రాధాన్యత ఉన్న సినిమాలో నటిస్తోంది. స్టార్‌ హీరోల సినిమాల్లో ఛాన్స్‌ కొట్టేందుకు గట్టి ప్రయత్నాలే చేస్తోంది. అమ్మడి ప్రయత్నాలు ఫలించాలని ఆశిద్దాం.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS