'ఆర్ఎక్స్‌100' ఫేం పాయల్‌ రాజ్‌పుట్‌, ఈ మధ్యనే ఓ వెబ్‌ సిరీస్‌ చేసింది. చిన్న చితకా సినిమాలూ చేసేస్తోంది. తమిళంలోనూ పాయల్‌ చేతిలో ఒకటి రెండు సినిమాలున్నాయి. ఓ హిందీ సినిమాలోనూ పాయల్‌ రాజ్‌పుట్‌ నటించబోతోందట. ఇదిలా వుంటే, ఓ ప్రయోగాత్మక సినిమా కోసం పాయల్‌ రాజ్‌పుత్‌ని ఓ ప్రముఖ టాలీవుడ్‌ నిర్మాణ సంస్థ తాజాగా సంప్రదించిందనే ప్రచారం జరుగుతోందిట. ఇదొక స్పైసీ థ్రిల్లర్‌ అనే ప్రచారం జరుగుతోంది.
ఇప్పటిదాకా తెలుగు తెరపై రాని ఓ సరికొత్త కాన్సెప్ట్‌తో ఈ థ్రిల్లర్‌ ఫిలిం వుండబోతోందనీ, అదే సమయంలో ఈ సినిమాలో హాట్‌ కంటెంట్‌ కాస్త 'ఓవర్‌ డోస్‌' వుండబోతోందనీ సమాచారం. పాయల్‌ రాజ్‌పుట్‌ విషయానికొస్తే, హాట్‌ కంటెంట్‌ వున్న సినిమాల్లో నటించడానికి పెద్దగా అభ్యంతరం పెట్టబోదు. తొలి సినిమా 'ఆర్ఎక్స్‌ 100'లోనే కాస్త హద్దులు దాటిన గ్లామర్‌ని ప్రదర్శించేసింది. పాయల్‌ రాజ్‌పుట్‌తోపాటు, ఓ బాలీవుడ్‌ బ్యూటీని కూడా ఈ సినిమా కోసం సంప్రదిస్తున్నారట. ఇద్దరిలో ఎవరో ఒకరు ఈ సినిమాలో నటించడం ఖాయమని ఇన్‌సైడ్‌ సోర్సెస్‌ చెబుతున్నాయి.
ఓ యువ దర్శకుడు సిద్ధం చేసిన ఈ స్పైసీ థ్రిల్లర్‌కి ఓ మోస్తరు బడ్జెట్‌ని వెచ్చించబోతోందట సదరు నిర్మాణ సంస్థ. ఇటు థియేటర్‌ రిలీజ్‌, అటు ఓటీటీ రిలీజ్‌.. ఈ రెండిటికీ తగ్గట్టుగా ప్రాజెక్ట్‌ని డిజైన్‌ చేస్తున్నారని తెలుస్తోంది.
