గ్లామర్‌ పాత్రలతో కమర్షియల్‌ హీరోయిన్‌గా స్టార్‌డమ్‌ సంపాదించిన సమంత, ఇప్పుడు విలక్షణ కథలను ఎంచుకుంటూ మరింత సక్సెస్‌ఫుల్‌గా దూసుకెళుతోంది. ఇటీవల భర్త నాగచైతన్యతో కలిసి 'మజిలీ' చిత్రంతో ప్రేక్షకుల ముందుకొచ్చింది సమంత. ఈ సినిమా మంచి విజయం సాధించింది.
గ్లామర్‌కి దూరంగా పర్‌ఫామెన్స్‌కి స్కోపున్న క్యారెక్టర్‌ పోషించింది ఈ సినిమాలో సమంత. ఇకపై కూడా ఇలాంటి పాత్రల్లోనే కనిపిస్తానంటోంది. ఇంతకు మించి విభిన్న పాత్రల్ని ఎంచుకుంటానంటోంది. కొత్తదనానికి పట్టం కడుతున్న తరుణమిది. ఈ తరుణంలో సమంత వంటి స్టార్‌ హీరోయిన్లే కొంచెం కొత్తగా ఆలోచిస్తే, కథలను సృష్టిండే డైరెక్టుర్లు ఇంకెంత కొత్తగా ఆలోచించాలో కదా. ఆ దిశగా సమంత సంకేతాలు పంపిస్తోంది. ఇన్‌స్పైరింగ్‌ క్రీడాకారిణి పాత్రలో నటించాలని ఉందన్న సమంత కోరిక తాజాగా బయట పెట్టింది. అంతేకాదు, గతంలో లయ తదితర హీరోయిన్లు అంధురాలి పాత్రలు పోషించి హీరోయిన్‌గా మంచి పేరు తెచ్చుకున్నారు. అలాంటి పాత్రలు వచ్చినా చేసేందుకు సమంత సిద్ధంగా ఉన్నానంటోంది. దివ్యాంగురాలి వంటి పాత్రలు మనలో ఉన్న నటికి ఛాలెంజ్‌ విసిరే పాత్రలు.
సో ఆ ఛాలెంజ్‌నే నేనిప్పుడు తీసుకోవాలనుకుంటున్నాను అని చెబుతోంది సమంత. త్వరలో సమంత ప్రధాన పాత్రలో నటించిన 'ఓ బేబీ' చిత్రం త్వరలో ప్రేక్షకుల ముందుకు రానుంది. నందినీ రెడ్డి ఈ సినిమాకి దర్శకురాలు. తమిళంలో ఘన విజయం సాధించిన '96' రీమేక్‌ సమంత, శర్వానంద్‌ ప్రధాన పాత్రల్లో తెలుగులో రీమేక్‌ అవుతున్న సంగతి తెలిసిందే. మే నుండి ఈ సినిమా సెట్స్‌ మీదికెళ్లనుంది.
