నాగ‌చైత‌న్య‌కు త‌న కెరీర్‌లోనే అత్యంత కీల‌క‌మైన స‌మ‌యంలో ఓ సూప‌ర్ హిట్ ద‌క్కింది. వ‌రుస ప‌రాజ‌యాల ప‌రంప‌ర‌కు బ్రేక్ ఇస్తూ... 'మ‌జిలీ' హిట్ చిత్రాల జాబితాలో చేరిపోయింది. పెళ్ల‌య్యాక నాగ‌చైత‌న్య‌, స‌మంత జంట‌గా న‌టించిన చిత్ర‌మిదే.

తొలి మూడు రోజుల్లోనే బ్రేక్ ఈవెన్ చేసిన ఈ సినిమా, తొలి వారం ముగిసేస‌రికి లాభాల బాట ప‌ట్టింది. ఇప్పుడు 50 కోట్ల మైలు రాయిని కూడా అందుకుంది. తొలి ప‌ది రోజుల్లోనే 50 కోట్ల గ్రాస్ సాధించి - చైతూ సినిమాల్లోనే బిగ్గెస్ట్ హిట్‌గా నిలిచింది.  ఈవారం 'చిత్ర‌ల‌హ‌రి' విడుద‌లైనా... మ‌జిలీ వ‌సూళ్ల‌పై ఎలాంటి ప్ర‌భావం ప‌డ‌లేదు. 

ఈ జోరు మ‌రికొద్ది రోజులు కొన‌సాగితే... నాగార్జున కెరీర్‌లో అత్య‌ధిక వ‌సూళ్లు సాధించిన 'సోగ్గాడే చిన్నినాయిన‌' రికార్డుల్ని కూడా 'మ‌జిలీ' దాటేయొచ్చ‌ని ట్రేడ్ వ‌ర్గాలు విశ్లేషిస్తున్నాయి. 'ఎఫ్ 2' త‌ర‌వాత స‌రైన విజ‌యం లేద‌ని బెంగ‌ప‌డిన టాలీవుడ్ కి 'మ‌జిలీ' మంచి రిలీఫ్ ఇచ్చిన‌ట్టే.