టైమ్‌ కలిసొస్తే అంతే. ఏది పట్టినా బంగారమే అవుతుంది. పూజాహెగ్దేకి అలాంటి గుడ్‌ టైమే నడుస్తోందిప్పుడు. తెలుగులో వరుస విజయాలతో దూసుకెళ్తోంది. తెలుగులో బిజీగా ఉంటూనే బాలీవుడ్‌లో 'హౌస్‌ఫుల్‌ 4'లో నటించింది. ఇటీవలే ప్రేక్షకుల ముందుకొచ్చిన ఆ సినిమా సూపర్‌ హిట్‌ టాక్‌ తెచ్చుకుంది. బాక్సాఫీస్‌ వద్ద వసూళ్ల సునామీ సృష్టిస్తోంది. మొదటి సినిమా 'మొహంజోదారో' బాగా నిరాశపరిచింది పూజా హెగ్దేని. కానీ, ఈ సినిమా సూపర్‌ సక్సెస్‌ కావడంతో, పూజా ఆనందానికి అవధుల్లేవ్‌. ఇక త్వరలోనే తెలుగులోనూ పూజా హెగ్దే సత్తా చాటనుంది. ఆల్రెడీ మొన్న 'గద్దలకొండ గణేష్‌'తో గడ గడలాడించింది.
ఇక ఇప్పుడు 'అల వైకుంఠపురములో' మహారాణిలా రానుంది. ఆ తర్వాత ప్రబాస్‌తో 'జాన్‌' సినిమాతోనూ, అఖిల్‌ సినిమాతోనూ సందడి చేయనుంది. మొత్తానికి బాలీవుడ్‌లో హిట్‌ కొట్టాలన్న పూజా హెగ్దే కోరిక 'హౌస్‌ఫుల్‌ 4'తో తీరిపోయింది. అయితే, ఈ సినిమా హిట్‌తో పూజాకి అక్కడ వరుస అవకాశాలు వస్తే ఏం చేస్తుంది.? టాలీవుడ్‌ని వదులుకుంటుందా.? లేక కొంచెం కష్టమే అయినా అక్కడా ఇక్కడా మ్యానేజ్‌ చేస్తుందా.? చూడాలంటే, తదుపరి అవకాశం కోసం ఎదురు చూడాల్సి ఉంది.
బాలీవుడ్‌లో వరుస ఛాన్సెస్‌ వచ్చేసరికి కైరా అద్వానీ టాలీవుడ్‌కి బైబై చెప్పేసింది. కానీ, పూజా హెగ్దే అలా చేయలేదు. ఎందుకంటే, టాలీవుడ్‌లో నెంబర్‌ వన్‌ ఛైర్‌కి దగ్గరగా ఉంది పూజా హెగ్దే. సో నెంబర్‌ వన్‌ ఛైర్‌ని కాదనుకుని వెళ్లే అవకాశమే లేదు. కానీ, చూడాలి మరి.
