ఎన్టీఆర్‌, చరణ్‌, ప్రబాస్‌, మహేష్ ఇలా ఒకేసారి స్టార్‌ హీరోలందరి సినిమాల కోసం వినిపించిన పేరు పూజా హెగ్దే. చరణ్‌తో 'రంగస్థలం'లో జిగేల్‌ రాణీ.. అంటూ స్పెషల్‌ సాంగ్‌లో చిందేసి తొలి స్పెషల్‌ సాంగ్‌కే బ్లాక్‌ బస్టర్‌ హిట్‌ అందుకుంది. సినిమా కూడా సూపర్‌ డూపర్‌ సక్సెస్‌ అందుకోవడంతో జిగేల్‌ రాణిగా పూజా హెగ్దేకి మంచి పేరొచ్చింది.
తర్వాత ఎన్టీఆర్‌తో 'అరవింద సమేత..' లో టైటిల్‌ రోల్‌ పోషించి, ఎన్టీఆర్‌తో పోటీపడి నటించింది. ఇక త్వరలో మహేష్‌బాబుతో 'మహర్షి' సినిమాతో ప్రేక్షకుల ముందుకు రానుంది. ఇంకా పూజా హెగ్దే లిస్టులో ప్రబాస్‌ సినిమా ఒకటుంది. ప్రబాస్‌, 'జిల్‌' ఫేం రాధాకృష్ణ దర్శకత్వంలో తెరకెక్కబోయే సినిమాలో పూజాహెగ్దే హీరోయిన్‌గా ఎప్పుడో ఎంపికయ్యింది. వెరీ లేటెస్ట్‌గా స్టైలిష్‌ స్టార్‌ బన్నీకి జోడీగా సెలెక్ట్‌ అయ్యింది. బన్నీ, - త్రివిక్రమ్‌ కాంబినేషన్‌లో తెరకెక్కబోయే ఈ సినిమాలో మొదట కైరా అద్వానీ తదితర హీరోయిన్స్‌ని అనుకున్నారు. అయితే లాస్ట్‌ మినిట్‌లో పూజా హెగ్దే పేరు కన్‌ఫామ్‌ చేసి సర్‌ప్రైజ్‌ చేశారు. అంటే పూజా మేనియా ఏ రేంజ్‌లో ఉందో అర్ధం చేసుకోవచ్చు. 'భరత్‌ అనే నేను' సినిమాతో హీరోయిన్‌గా ఎంట్రీ ఇచ్చి, క్రేజ్‌ సంపాదించిన కైరా అద్వానీకి తర్వాత 'వీవీఆర్‌'తో చిన్న షాక్‌ తగిలింది.
దాంతో తెలుగులో అవకాశాలు కాస్త దూరమైనట్లు కనిపిస్తున్నాయి. ప్రస్తుతం బాలీవుడ్‌లో మాత్రం బిజీగా గడుపుతోంది ఈ ముద్దుగుమ్మ. ఇక టాలీవుడ్‌ని ప్రస్తుతం ఏక ఛత్రాధిపత్యంతో ఏలుతోన్న భామ మాత్రం పూజా హెగ్దేనే అనుకోవాలి.
