ఇటీవల విడుదలైన 'సాహో ట్రైలర్' ఆ చిత్ర ప్రకంపలను ఒక తెలుగులోనే కాకుండా దేశమంతటా వ్యాపించే విధంగా ఉంది. దాదాపు యూట్యూబ్ లో మునుపటి రికార్డులన్నీ కొల్లగొట్టేసింది ఈ ట్రైలర్. హై వోల్టేజ్ యాక్షన్..థ్రిల్లర్ గా ఈ చిత్రాన్ని పరిచయం చేసింది ఈ ట్రైలర్. ప్రభాస్ గత చిత్రం బాహుబలికి.. దాని వాళ్ళ ఏర్పడ్డ అంచనాలకు ఏ మాత్రం తగ్గకుండా ఈ ట్రైలర్ ను డిజైన్ చేసాడు డైరెక్టర్ సుజీత్.
ఈ సందర్భంగా చిత్ర నిర్మాతలు నిర్వహించిన ప్రెస్ మీట్ లో కొన్ని ఆసక్తికరమైన విషయాలు మీడియా తో పంచుకున్నారు చిత్ర బృందం. అయితే ఈ ట్రైలర్ హిందీ వెర్షన్ లో కూడా డార్లింగ్ 'ప్రభాస్' సొంత డబ్బింగ్ చెప్పేసాడు, దీనిపై ఓ విలేకరు...'హిందీ డబ్బింగ్ మీరే చెప్పారా..? మీకు హిందీ వచ్చా' అని అడగగా..."నాకు హిందీ చదవడం, వ్రాయడం వచ్చు కానీ మాట్లాడ్డం కొంచం కష్టం..అయినా మేనేజ్ చేసాను" అని నవ్వుతూ బదులిచ్చాడు..మన బాహుబలి. మరి ఉత్తరాది ప్రేక్షకులు ప్రభాస్ ను ఎలా స్వీకరిస్తారో ఆగస్టు 30 వరకు వేచి చూడాలి.
